كەزدەسۋ اياسىندا مەملەكەت باسشىسىنىڭ قازاقستان حالقىنا جولداۋى، سونداي-اق ەلىمىزدە اتوم ەلەكتر ستانتسياسىن سالۋ جونىندەگى رەفەرەندۋم بويىنشا اقپارات بەرىلدى.
6 قازاندا وتەتىن اەس قۇرىلىسى بويىنشا رەفەرەندۋم تاۋەلسىز قازاقستاننىڭ بولاشاعى ءۇشىن ستراتەگيالىق ماڭىزعا يە. الەمنىڭ وزىق ەلدەرىنىڭ تاجىريبەسى اتوم ەنەرگەتيكاسىنىڭ تيىمدىلىگى مەن قاۋىپسىزدىگىن ايقىن دالەلدەيدى. قازىرگى ۋاقىتتا قازاقستان ەلەكتر ەنەرگياسىنىڭ تاپشىلىعىن سەزىنۋدە جانە ونى كورشى ەلدەردەن يمپورتتاۋعا ءماجبۇر.
كەزدەسۋ بارىسىندا احمەتوۆا اسەل ماراتقىزى اەس قۇرىلىسىنىڭ مەرزىمدەرى جانە اەس قۇرىلىسىنا جەتەكشىلىك ەتەتىن مەكەمەلەر جايلى سۇراق قويدى. قاراعاندى حالىقتىق شتابىنىڭ مۇشەلەرى كەلىسسوزدەر، كەلىسىمشارتتار جانە ساتىپ الۋ پروتسەستەرى بارىنشا اشىق بولاتىنىن ءتۇسىندىرىپ، ماسەلە بويىنشا تۇسىنىكتەمە بەردى. اەس جوبالاۋ جانە سالۋ كەزىندە تەحنيكالىق قاداعالاۋدى تاۋەلسىز رەتتەۋشى جۇزەگە اسىرادى، قۇرىلىس ماگاتە باقىلاۋىمەن جۇرگىزىلەدى. اتوم ەلەكتر ستانتسياسىنىڭ قۇرىلىسى ميللياردتاعان دوللارلىق جانە ۇزاق مەرزىمدى بيزنەس ەكەنىن ەسكەرۋ قاجەت، سوندىقتان نارىققا قاتىسۋشىلاردىڭ بەدەلى وتە قۇندى.
