قاراعاندىدا سوققىعا جىعىلعان جەدەل جاردەم كولىگىنىڭ جۇرگىزۋشىسى وقيعانىڭ ءمان-جايىن ايتىپ بەردى، دەپ حابارلايدى "ادىرنا" ءتىلشىسى.
ناۋقاستان شاقىرتۋ العان اق حالاتتىلار قاراعاندىداعى كوپقاباتتى ۇيلەردىڭ ءبىرىنىڭ اۋلاسىنا بارعان. سول ساتتە بەلگىسىز ەر ادام جەدەل جاردەم جۇرگىزۋشىسىن جۇدىرىق جۇمساعان.
- بىزدە قالىپتى كۇن بولاتىن. شامامەن ساعات 23:57-دە قوڭىراۋ ءتۇستى، ءبىز تەز ارادا 2-ءشى بلوكقا، №30 ۇيگە باردىق. ءبىزدىڭ فەلدشەرلەر جەدەلدەتىپ ۇيگە كىرىپ كەتتى، سەبەبى ول جەردە ءبىر جاسار بالا اۋىرىپ جاتقان ەدى، - دەيدى جەدەل جاردەم جۇرگىزۋشىسى تورەعالي. بەرىكقاليۇلى.
زارداپ شەگۋشىنىڭ ايتۋىنشا، فەلدشەرلەردىڭ ءبىرى بىرنەشە ۋاقىتتان كەيىن ۇيدەن شىعىپ، پلانشەتكە بلانكىلەردى تولتىرعان. سول ساتتە تۋمبوچكا كوتەرىپ كەلە جاتقان جاس جىگىتپەن جانجال باستالعان. ءتارتىپ بۇزۋشى جەدەل جاردەم كولىگىنىڭ جۇرگىزۋشىسىنە ادەپسىز سوزدەر ايتىپ، بالاعاتتاعان.
- مەن وعان شاقىرتۋدا تۇرعانىمدى جانە كەتە المايتىنىمدى ءتۇسىندىردىم. ال ول كەتىپ قالعان سياقتى بولدى. الايدا، كەيىن ول تۋمبوچكاسىز قايتىپ كەلىپ، تاعى دا بالاعات سوزدەر ايتا باستادى. مەن كولىكتەن ءتۇستىم، سول كەزدە فەلدشەر تەلەفونىنا نە بولىپ جاتقانىن تۇسىرە باستادى، سەبەبى ەر ادام اگرەسسيۆتى بولدى. مەن وعان ناۋقاستى، بالانى قاراۋعا كەلگەنىمىزدى تۇسىندىرۋگە تىرىستىم. بىراق ول مەنى تىڭدامادى، – دەيدى جابىرلەنۋشى تورەعالي بەرىكقاليۇلى.
وسىلايشا ناۋقاسقا كەلگەن جەدەل جاردەم جۇرگىزۋشىسى سوققى الىپ، دەنساۋلىعىنا زاقىم كەلگەن. جۇرگىزۋشىنىڭ سوزىنشە ول رولگە يە بولا الماعاندىقتان، دارىگەرلەر ەكىنشى توپ پەن پوليتسيانى شاقىرۋعا ءماجبۇر بولدى.
جەدەل جاردەم جۇرگىزۋشىسىنىڭ سوققىعا جىعىلعانى تۋرالى اقپاراتتان سوڭ قر دەنساۋلىق ساقتاۋ مينيسترلىگىنىڭ باسشىسى اجار عينيات ۇندەۋ جاريالاپ، بۇل وقيعانىڭ بارىسى جەكە باقىلاۋىندا بولاتىنىن ايتتى.
