باعاناعى پاۆلودارداعى كوشەلەرگە قاتىستى مىنانداي جاۋاپ الدىم. كەرەكۋدە 24 كوشەنىڭ اتى وزگەرتىلمەك. قابانبايعا دا، بوگەنبايعا دا كوشە بەرەمىز دەيدى.
بىراق بەرەتىن كوشەلەرىن كورسەڭىز ءباھادۇر بابالارىمنىڭ ارۋاعى ءۇشىن مەن ۇيالدىم. روزى ليۋكسەمبۋرگ دەگەن كوشە كوپ ەشكىم بىلمەيتىن، تار كوشە. التايدى اسىپ قىتايدى ايىرعان، باشقۇرتتى باسىپ ورىستى قايىرعان بوگەنباي سول كوشەگە لايىق پا؟ بەرسەڭدەر نازارباەۆتىڭ اتىنداعى ورتالىق كوشەنى بەرىڭدەر! نازارباەۆتىڭ قازاققا ءدال بوگەنبايداي ەڭبەگى سىڭگەن جوق!
قابانبايعا بەرمەكشى لادوجسكايا دەگەن كوشەنى تاكسيستەردىڭ ءوزى كارتامەن ارەڭ تاۋىپ بارادى. قالانىڭ شەتكەرى جەرىندەگى ءبىر تۇيىق كوشە.
ال قازاقتىڭ بەس وبلىسىن بەرمەي الىپ قالعان جۇمابەك تاشەنەۆ اتىنداعى كوشەنى كورىپ جىلادىم. قورلىقتان! قالانىڭ ەڭ شەتىندەگى، توعىز ءۇيى بار كوشە! مىناۋ تازا ماسقارالىق! ءبۇيتىپ بەرگەنشە بەرمەي-اق قويىڭدار!
بۇعان دەيىن اۆتور پاۆلوداردا بوگەنباي مەن قابانباي اتىنداعى كوشە جوق ەكەنىن جازعان ەدى.
