Baǵanaǵy Pavlodardaǵy kóshelerge qatysty mynandaı jaýap aldym. Kerekýde 24 kósheniń aty ózgertilmek. Qabanbaıǵa da, Bógenbaıǵa da kóshe beremiz deıdi.
Biraq beretin kóshelerin kórseńiz bahadúr babalarymnyń árýaǵy úshin men uıaldym. Rozy Lıýksembýrg degen kóshe kóp eshkim bilmeıtin, tar kóshe. Altaıdy asyp Qytaıdy aıyrǵan, Bashqurtty basyp orysty qaıyrǵan Bógenbaı sol kóshege laıyq pa? Berseńder Nazarbaevtyń atyndaǵy ortalyq kósheni berińder! Nazarbaevtyń qazaqqa dál Bógenbaıdaı eńbegi sińgen joq!
Qabanbaıǵa bermekshi Ladojskaıa degen kósheni taksısterdiń ózi kartamen áreń taýyp barady. Qalanyń shetkeri jerindegi bir tuıyq kóshe.
Al qazaqtyń bes oblysyn bermeı alyp qalǵan Jumabek Táshenev atyndaǵy kósheni kórip jyladym. Qorlyqtan! Qalanyń eń shetindegi, toǵyz úıi bar kóshe! Mynaý taza masqaralyq! Búıtip bergenshe bermeı-aq qoıyńdar!
Buǵan deıin avtor Pavlodarda Bógenbaı men Qabanbaı atyndaǵy kóshe joq ekenin jazǵan edi.
