Täşenov atyndaǧy köşenı körıp, qorlyqtan jyladym

Baǧanaǧy Pavlodardaǧy köşelerge qatysty mynandai jauap aldym. Kerekude 24 köşenıŋ aty özgertılmek. Qabanbaiǧa da, Bögenbaiǧa da köşe beremız deidı. Bıraq beretın köşelerın körseŋız bahadür babalarymnyŋ äruaǧy üşın men ūialdym. Rozy Liuksemburg degen köşe köp eşkım bılmeitın, tar köşe. Altaidy asyp Qytaidy aiyrǧan, Başqūrtty basyp orysty qaiyrǧan Bögenbai sol köşege laiyq pa? Berseŋder Nazarbaevtyŋ atyndaǧy ortalyq köşenı berıŋder! Nazarbaevtyŋ qazaqqa däl Bögenbaidai eŋbegı sıŋgen joq! Qabanbaiǧa bermekşı Ladojskaia degen köşenı taksisterdıŋ özı kartamen äreŋ tauyp barady. Qalanyŋ şetkerı jerındegı bır tūiyq köşe. Al qazaqtyŋ bes oblysyn bermei alyp qalǧan Jūmabek Täşenev atyndaǧy köşenı körıp jyladym. Qorlyqtan! Qalanyŋ eŋ şetındegı, toǧyz üiı bar köşe! Mynau taza masqaralyq! Büitıp bergenşe bermei-aq qoiyŋdar! Būǧan deiın avtor Pavlodarda Bögenbai men Qabanbai atyndaǧy köşe joq ekenın jazǧan edı.