اپالى-ءسىڭلىلى ءۇش قىزعا قورلىق كورسەتىپ جۇرگەنىن بىلە تۇرا وگەي انانىڭ اكەسى توقتاۋ سالماعان. جەتىسايدا وگەي قىزدارىنا 1 جىلدان استام ۋاقىتتان بەرى ءزابىر كورسەتىپ، ۇرىپ-سوعىپ كەلگەنىنەن وگەي انا جۇلدىز كوبەەۆانىڭ اكەسىنىڭ دە حابارى بولعان، دەپ حابارلايدى ERNUR.KZ ءتىلشىسى.
وگەي شەشەلەرىنەن 1 جىلدان استام ۋاقىتتان بەرى تاياق جەپ كەلگەن بۇلدىرشىندەردىڭ اتاسى (اكەسىنىڭ اعاسى) دىنمۇحامەد قويىمبەتوۆتىڭ سوزىنشە، 2019 جىلدىڭ 11 ساۋىرىندە اپالى-ءسىڭىلىلى ساليما، مانشۇك جانە ميلانا اۋرۋحاناعا تۇسكەن كۇنى قۇداسىنا قىزىنىڭ قىلىعىن ايتىپ قوڭىراۋ شالعان. ءىنىسى اشۋ ۇستىندە قىلمىس جاساپ قويماسىن دەپ، كەلىنى جۇلدىز كوبەەۆانى الىپ كەتۋىن وتىنگەن. ەكەۋارا تەلەفونداعى اڭگىمەدەن سوڭ قىزىن الىپ كەتۋگە كەلگەن قۇداسى، ياعني، جۇلدىزدىڭ اكەسى (قىزداردىڭ وگەي شەشەسىنىڭ اكەسى) قىزىمەن جەكە سويلەسىپ الۋدى وتىنەدى. "شەتكەرىرەك بارىپ ەكەۋىنىڭ اڭگىمەسىنە قۇلاق تۇرسەم اكەسى قىزىن ۇرىسىپ، ايىپتاۋدىڭ ورنىنا، "قىزىم، نەگە سونشا ۇردىڭ قىزداردى. ايتىپ ەدىم عوي ۇرا بەرمە دەپ. ۇرساڭ دا كوگەرمەيتىن، ەشكىمگە كورسەتە المايتىن جەرلەرىنەن ۇرمايسىڭ با؟ ۇشەۋىن بىردەي اۋرۋحاناعا ءتۇسىردىڭ، نە بولدى ەندى؟ ءبىر-بىرەۋلەپ ۇرمادىڭ با سونشا ۇرعىڭ كەلىپ تۇرسا" دەگەندە ءوزىمدى ۇستاي الماي ەكەۋىن دە ۇيدەن قۋىپ شىقتىم", - دەيدى دىنمۇحامەد قويىمبەتوۆ.
ERNUR.KZ
