Apaly-sińlili úsh qyzǵa qorlyq kórsetip júrgenin bile tura ógeı ananyń ákesi toqtaý salmaǵan. Jetisaıda ógeı qyzdaryna 1 jyldan astam ýaqyttan beri zábir kórsetip, uryp-soǵyp kelgeninen ógeı ana Juldyz Kóbeevanyń ákesiniń de habary bolǵan, dep habarlaıdy ERNUR.KZ tilshisi.
Ógeı sheshelerinen 1 jyldan astam ýaqyttan beri taıaq jep kelgen búldirshinderdiń atasy (ákesiniń aǵasy) Dinmuhamed Qoıymbetovtyń sózinshe, 2019 jyldyń 11 sáýirinde apaly-sińilili Salıma, Mánshúk jáne Mılana aýrýhanaǵa túsken kúni qudasyna qyzynyń qylyǵyn aıtyp qońyraý shalǵan. Inisi ashý ústinde qylmys jasap qoımasyn dep, kelini Juldyz Kóbeevany alyp ketýin ótingen. Ekeýara telefondaǵy áńgimeden soń qyzyn alyp ketýge kelgen qudasy, ıaǵnı, Juldyzdyń ákesi (qyzdardyń ógeı sheshesiniń ákesi) qyzymen jeke sóılesip alýdy ótinedi. "Shetkerirek baryp ekeýiniń áńgimesine qulaq túrsem ákesi qyzyn urysyp, aıyptaýdyń ornyna, "Qyzym, nege sonsha urdyń qyzdardy. Aıtyp edim ǵoı ura berme dep. Ursań da kógermeıtin, eshkimge kórsete almaıtyn jerlerinen urmaısyń ba? Úsheýin birdeı aýrýhanaǵa túsirdiń, ne boldy endi? Bir-bireýlep urmadyń ba sonsha urǵyń kelip tursa" degende ózimdi ustaı almaı ekeýin de úıden qýyp shyqtym", - deıdi Dinmuhamed Qoıymbetov.
ERNUR.KZ
