Memleket basshysy jol qozǵalysyn uıymdastyrý máseleleri boıynsha jazylǵan zańǵa engizilgen ózgerister men tolyqtyrýlardy maquldaǵan edi. Qazaqstan Respýblıkasy Ishki ister mınıstrliginiń baspasóz qyzmeti atalmysh zańdy alǵa tartyp, bylaı deıdi:
"Zań resmı túrde "Kazahstanskaıa pravda" basylymynda 2023 jylǵy 30 maýsymda jarııalandy jáne osy jyldyń 30 tamyzynan bastap qoldanysqa engiziledi".
Zańda jol qozǵalysyn qamtamasyz etýge arnalǵan kólik quraldarynyń jańa túrlerine anyqtama beriledi. Olar - "elektr samokattar" jáne "shaǵyn elektr kólikteri".
Mundaı kólik túrin tizgindegender quqyq buzǵan jaǵdaıda tıisti zańmen jazatanatyn bolady:
"Zań - jolaýshylardy tasymaldaý, jaıaý júrginshiler ótkelderinen ótý, jaryq shaǵylystyratyn zattardy kııý jáne jolda adamnyń jeke basynyń qaýipsizdigin qamtamasyz etip, elektr quralynyń qaýipsiz jumys isteýine qoıylatyn talaptardy belgileıdi. Quqyqbuzýshylyqtar anyqtalǵan jaǵdaıda Qazaqstan Respýblıkasynyń Ákimshilik quqyq buzýshylyq týraly kodeksiniń 593-babyna nemese 620-babyna sáıkes quqyq buzýshylyqtyń quramyna qaraı jaýapkershilikke tartylady.
Qazaqstan Respýblıkasy "Jol júrisi týraly" zańynda jyldamdyq mejesi de kórsetilgen. Zańǵa sáıkec, trotýardaǵy elektr samokattarynyń jyldamdyǵy - 6 km/saǵ.
Qazaqstan Respýblıkasy Ishki ister mınıstrliginiń baspasóz qyzmeti elektrli kólik quraldary arqyly jol erejesi buzylǵan jaǵdaıda problemanyń jeke qarastyryp, oqıǵaǵa jeke baǵa beriletinin habarlady.
"Ákimshilik quqyq buzýshylyqtyń kvalıfıkaııasy árbir naqty fakti boıynsha jol qozǵalysy jaǵdaıyna baılanysty jeke belgilenedi".
2023 jyldyń 27 shildesinde Qazaqstannyń Ishki ister mınıstrligi Jol qozǵalysy erejelerine jáne kólik quraldaryn paıdalanýǵa ruqsat berýdiń negizgi erejelerine túzetýler ázirledi. Erejede elektr samokatyna qatysty erejeler engizilgen.
"Adyrna" ulttyq portaly
