QR Işkı ıster ministrlıgı ökılderı Qazaqstandaǧy jol qozǧalysy erejesın būzǧan elektrsamokat jürgızuşılerıne qaşan aiyppūl salynatynyn mälımdedı. Sonymen qatar, jaŋa jol erejesın jüieleitın zaŋnamaǧa anyqtama berıldı, dep habarlaidy "Adyrna" ūlttyq portaly.
Memleket basşysy jol qozǧalysyn ūiymdastyru mäselelerı boiynşa jazylǧan zaŋǧa engızılgen özgerıster men tolyqtyrulardy maqūldaǧan edı. Qazaqstan Respublikasy Işkı ıster ministrlıgınıŋ baspasöz qyzmetı atalmyş zaŋdy alǧa tartyp, bylai deidı:
"Zaŋ resmi türde "Kazahstanskaia pravda" basylymynda 2023 jylǧy 30 mausymda jariialandy jäne osy jyldyŋ 30 tamyzynan bastap qoldanysqa engızıledı".Zaŋda jol qozǧalysyn qamtamasyz etuge arnalǧan kölık qūraldarynyŋ jaŋa türlerıne anyqtama berıledı. Olar - "elektr samokattar" jäne "şaǧyn elektr kölıkterı". Mūndai kölık türın tızgındegender qūqyq būzǧan jaǧdaida tiıstı zaŋmen jazatanatyn bolady:
"Zaŋ - jolauşylardy tasymaldau, jaiau jürgınşıler ötkelderınen ötu, jaryq şaǧylystyratyn zattardy kiiu jäne jolda adamnyŋ jeke basynyŋ qauıpsızdıgın qamtamasyz etıp, elektr qūralynyŋ qauıpsız jūmys ısteuıne qoiylatyn talaptardy belgıleidı. Qūqyqbūzuşylyqtar anyqtalǧan jaǧdaida Qazaqstan Respublikasynyŋ Äkımşılık qūqyq būzuşylyq turaly kodeksınıŋ 593-babyna nemese 620-babyna säikes qūqyq būzuşylyqtyŋ qūramyna qarai jauapkerşılıkke tartylady.Qazaqstan Respublikasy "Jol jürısı turaly" zaŋynda jyldamdyq mejesı de körsetılgen. Zaŋǧa säikec, trotuardaǧy elektr samokattarynyŋ jyldamdyǧy - 6 km/saǧ. Qazaqstan Respublikasy Işkı ıster ministrlıgınıŋ baspasöz qyzmetı elektrlı kölık qūraldary arqyly jol erejesı būzylǧan jaǧdaida problemanyŋ jeke qarastyryp, oqiǧaǧa jeke baǧa berıletının habarlady.
"Äkımşılık qūqyq būzuşylyqtyŋ kvalifikasiiasy ärbır naqty faktı boiynşa jol qozǧalysy jaǧdaiyna bailanysty jeke belgılenedı".2023 jyldyŋ 27 şıldesınde Qazaqstannyŋ Işkı ıster ministrlıgı Jol qozǧalysy erejelerıne jäne kölık qūraldaryn paidalanuǧa rūqsat berudıŋ negızgı erejelerıne tüzetuler äzırledı. Erejede elektr samokatyna qatysty erejeler engızılgen.
"Adyrna" ūlttyq portaly
Ūqsas jaŋalyqtar
jol apaty
jol qozǧalysy
samokat
elektrlı samokat
jaŋa zaŋ
jol qozǧalysy turaly zaŋ
şaǧyn elektr kölıkterı
