وڭتۇستىك كورەيانىڭ سوحەان اۆتوماگيسترالىندە قازاقستان ازاماتتارى وتىرعان Mercedes-Benz كولىگى جاردان قۇلاپ، ورتەندى، دەپ حابارلايدى "ادىرنا" ۇلتتىق پورتالى Korea JoongAng Daily-گە سىلتەپ.
وقيعا كەنگيدو ولكەسىنىڭ حۆاسون قالاسىندا جەرگىلىكتى ۋاقىت بويىنشا 00:30 شاماسىندا بولعان. كولىك جولدىڭ وڭ جاق بەتىندەگى قورشاۋعا سوعىلىپ، ارتىنشا بىرنەشە مەتر تومەن قۇلاعان. اپات سالدارىنان سالوندا بولعان ءتورت ادامنىڭ بارلىعى كوز جۇمدى.
توتەنشە جاعداي قىزمەتكەرلەرى وقيعا ورنىنا جەدەل جەتىپ، 30 مينۋت ىشىندە ءورتتى سوندىرگەن. ءورت سوندىرىلگەننەن كەيىن اۆتوكولىك ىشىنەن 4 ادامنىڭ ءمايىتى تابىلعان.
قايتىس بولعانداردىڭ اتى-ءجونى ءالى انىقتالعان جوق. قازىرگى تاڭدا جەرگىلىكتى پوليتسيا وقيعانىڭ ناقتى سەبەپتەرىن زەرتتەپ جاتىر.
قازاقستاننىڭ سىرتقى ىستەر مينيسترلىگى اتالعان جول اپاتىنا بايلانىستى مالىمەت سۇراتقانىن حابارلادى.
