Qorǵanys mınıstrligi Reseıge áskerı tehnıkanyń tasymaldanýy týraly aqparatty taǵy da joqqa shyǵaryp otyr, dep habarlaıdy “Adyrna” Qazaqparatqa siltep.
Birneshe ýaqyt buryn áleýmettik jelide kórshiles Reseıge tehnıkanyń tasymaldanýy jaıly aqparat jeldeı esti. Alaıda mınıstrlik:
«Bul áskerı tehnıkanyń Qazaqstan Respýblıkasyna esh qatysy joq, ol úshinshi eldiń menshigi bolyp tabylady jáne halyqaralyq kelisimder aıasynda Qazaqstan aýmaǵy arqyly Reseıge josparly jóndeýge jiberilgen», - dep habarlady vedomstvo.
Qorǵanys mınıstrligi 2022 jyldyń 27 tamyzynan bastap Qazaqstanda qarý-jaraq pen áskerı tehnıkany eksporttaýǵa tyıym salynǵanyn jáne ol áli de kúshinde ekenin atap, eske saldy.
