بەلگىلى ءانشى دجەننيفەر لوپەس ماسكەۋدە كونتسەرت بەرۋدەن باس تارتتى. سەبەبى ۋكرايناداعى سوعىسقا بايلانىستى باتىستا تەرىس رەاكتسيا تۋدىرۋى مۇمكىن دەپ قورىقتى، دەپ حابارلايدى “ادىرنا”.
امەريكالىق ءانشى دجەننيفەر لوپەس ماسكەۋگە كونتسەرت بەرمەيتىن بولدى. ول تۋرالى كەلىسىم جاسالعان بولاتىن. Mash Telegram-كانالىنىڭ حابارلاۋىنشا، ءانشىنىڭ كومانداسىمەن كەلىسسوزدەر 2025 جىلدىڭ ساۋىرىندە باستالعان.
ءانشىنىڭ مەنەدجەرلەرى كونتسەرت وتكىزۋگە تامىز ايىندا كەلىسىم جاساعان، ال گونورار ءبىر ميلليون دوللاردان كەم بولماۋى ءتيىس ەدى. تاراپتار الدىن الا كەلىسىمشارتقا قول قويىپ، ناقتى كۇن بەلگىلەنگەن.
الايدا، كەيىن لوپەستىڭ كومانداسى قاتىسۋدان باس تارتتى. سەبەبى، ۋكرايناداعى سوعىسقا بايلانىستى باتىس اۋديتورياسى رەسەيدە وتەتىن كونتسەرتتى تەرىس قابىلداۋى مۇمكىن.
سونىمەن قاتار، اقپارات كوزدەرىنىڭ ايتۋىنشا، دجەننيفەر لوپەس ەگەر سوعىس اياقتالسا، بولاشاقتا كونتسەرت بەرۋ مۇمكىن.
كونتسەرت اگەنتتىگى PMI باسشىسى ەۆگەني فينكەلشتەين، كەلىسسوزدەرگە قاتىسقان، پىكىر بىلدىرۋدەن باس تارتتى، بىراق اقپاراتتى جوققا شىعارعان جوق.
