سينگاپۋردا سوڭعى 19 جىلدا العاش رەت ايەل ادام دارعا اسىلدى. ونىڭ ءولىم جاساسىنا كەسىلۋىنە ەسىرتكى ساۋداسىمەن اينالىسقانى سەبەپ بولعان، دەپ حابارلايدى "ادىرنا" ۇلتتىق پورتالى.
سينگاپۋر زاڭىنا سايكەس، 500 گرامنان استام كاننابيس پەن 15 گراممنان استام گەروين ساتقانى انىقتالىپ، سوتتالعاندارعا ءولىم جازاسى قاراستىرىلعان.
سينگاپۋردا سوڭعى رەت ايەلگە ءولىم جازاسى 2004 جىلى قولدانىلعان. سودان كەيىن 36 جاستاعى شاشتاراز يەن مەي ۆوەن دە ەسىرتكى ساتقانى ءۇشىن سوتتالدى، دەپ حابارلايدى CNN.
وسى اپتادا سينگاپۋردا ءولىم جازاسى ەسىرتكى ساقتاعانى ءۇشىن تاعى ءبىر ادامعا قولدانىلدى. 57 جاستاعى موحد ازيز بەن حۋسسەين تازا گەروينگە ەسەپتەگەندە شامامەن 50 گ ەسىرتكى ساتقانى ءۇشىن ءولىم جازاسىنا كەسىلدى.
قۇقىق قورعاۋ توپتارى، حالىقارالىق بەلسەندىلەر مەن بۇۇ سينگاپۋردى ەسىرتكىگە قاتىستى قىلمىس جاساعانداردى ءولىم جازاسىنا كەسۋدى توقتاتۋعا شاقىردى ءارى ولاردىڭ پايىمىنشا، بۇل جازا ەسىرتكى ساۋداسىنا توسقاۋىل بولا المايدى. سينگاپۋر بيلىگى ءولىم جازاسى ەسىرتكىگە سۇرانىس پەن ۇسىنىستى توقتاتۋدا ماڭىزدى دەپ سانايدى.
ەلدەگى قۇقىق قورعاۋ توپتارى 2022 جىلدىڭ ناۋرىزىندا دارعا اسۋ قايتا باستالعاننان بەرى ەسىرتكىمەن بايلانىستى قىلمىس جاساعان 15 ادام ءولىم جازاسىنا كەسىلگەنىن ايتادى، ورتا ەسەپپەن العاندا ايىنا ءبىر ادام دارعا اسىلادى دەۋگە بولادى.
"ادىرنا" ۇلتتىق پورتالى
