Singapurda soŋǧy 19 jylda alǧaş ret äiel adam darǧa asyldy. Onyŋ ölım jasasyna kesıluıne esırtkı saudasymen ainalysqany sebep bolǧan, dep habarlaidy "Adyrna" ūlttyq portaly.
Singapur zaŋyna säikes, 500 gramnan astam kannabis pen 15 grammnan astam geroin satqany anyqtalyp, sottalǧandarǧa ölım jazasy qarastyrylǧan.
Singapurda soŋǧy ret äielge ölım jazasy 2004 jyly qoldanylǧan. Sodan keiın 36 jastaǧy şaştaraz Ien Mei Voen de esırtkı satqany üşın sottaldy, dep habarlaidy CNN.
Osy aptada Singapurda ölım jazasy esırtkı saqtaǧany üşın taǧy bır adamǧa qoldanyldy. 57 jastaǧy Mohd Aziz ben Hussein taza geroinge eseptegende şamamen 50 g esırtkı satqany üşın ölım jazasyna kesıldı.
Qūqyq qorǧau toptary, halyqaralyq belsendıler men BŪŪ Singapurdy esırtkıge qatysty qylmys jasaǧandardy ölım jazasyna kesudı toqtatuǧa şaqyrdy ärı olardyŋ paiymynşa, būl jaza esırtkı saudasyna tosqauyl bola almaidy. Singapur bilıgı ölım jazasy esırtkıge sūranys pen ūsynysty toqtatuda maŋyzdy dep sanaidy.
Eldegı qūqyq qorǧau toptary 2022 jyldyŋ nauryzynda darǧa asu qaita bastalǧannan berı esırtkımen bailanysty qylmys jasaǧan 15 adam ölım jazasyna kesılgenın aitady, orta eseppen alǧanda aiyna bır adam darǧa asylady deuge bolady.
"Adyrna" ūlttyq portaly
Ūqsas jaŋalyqtar
