ء"بىز ۋكرايناعا قارسى اگرەسسياسىن جالعاستىرۋ ءۇشىن رەسەيدىڭ قايدان تاپسا، ودان تاپسىن، قارۋ ساتىپ الۋدى قاجەتسىنەتىندىگىن كورەمىز", - دەدى بلينكەن.
بلينكەن تەك سولتۇستىك كورەيا عانا ەمەس، سونىمەن بىرگە رەسەيدىڭ "ازاماتتىق ينفراقۇرىلىمدى بۇزۋ جانە ۋكرايناداعى بەيبىت تۇرعىنداردى ءولتىرۋ" ءۇشىن يرانمەن وداقتاسقانىن اتاپ ءوتتى. "رەسەيگە كوپتەگەن ۇشقىشسىز ۇشاقتاردى جەتكىزگەن" يراندى سىنعا الدى.
ورايى كەلگەندە ايتا كەتەيىك، بىرنەشە كۇن بۇرىن، 26 شىلدەدە، شويگۋ كورەيا سوعىسىنىڭ اياقتالعانىنا 70 جىل تولۋىنا وراي سولتۇستىك كورەياعا كەلدى. كوروناۆيرۋستىق پاندەميا كەزىنەن باستاپ پحەنيانعا العاشقى رەسمي ساپارى بارىسىندا ول كحدر كوشباسشىسى كيم جەن ىنمەن كەزدەستى.
سولتۇستىك كورەيا و باستان رەسەي ساياساتىن قولداپ كەلەدى، امەريكالىق بارلاۋ مالىمەتتەرى بويىنشا رەسەيگە قارۋ-جاراق جەتكىزدى. دەگەنمەن "مۇرتىن بالتا شاپپايتىن" پحەنيان بۇل ايىپتاۋلاردى جوققا شىعارادى.
"ادىرنا" ۇلتتىق پورتالى
