سولتۇستىك كورەيا مەكتەپتەرىندە ورىس ءتىلىن وقۋ 4-سىنىپتان باستاپ مىندەتتى ەتىلدى. بۇل تۋرالى رەسەي فەدەراتسياسىنىڭ تابيعي رەسۋرستار جانە ەكولوگيا ءمينيسترى الەكساندر كوزلوۆ مالىمدەدى، دەپ حابارلايدى "ادىرنا".
«كحدر-دا ورىس ءتىلى 4-سىنىپتان باستاپ مىندەتتى ءتىل رەتىندە ەنگىزىلگەنىن بىلەمىز. رەسەيدە دە كورەي ءتىلىن ۇيرەنىپ جاتقان وقۋشىلار سانى ارتىپ كەلەدى»، - دەدى كوزلوۆ.
ءمينيستردىڭ ايتۋىنشا، وتكەن وقۋ جىلىندا كحدر-دىڭ 96 ازاماتى رەسەيدىڭ جوعارى وقۋ ورىندارىنا تۇسكەن. ولاردىڭ باسىم بولىگى قيىر شىعىس فەدەرالدىق ۋنيۆەرسيتەتى (قشفۋ), مگيمو جانە رۋدن ۋنيۆەرسيتەتتەرىن تاڭداعان.
ال رەسەيدە 300 ستۋدەنت كورەي ءتىلىن وقۋدى باستاعان. ەلدە كورەي ءتىلىنىڭ لينگۆيستيكالىق باعدارلامالارى ءۇش پەداگوگيكالىق ۋنيۆەرسيتەتتە وقىتىلادى.
كوزلوۆتىڭ ايتۋىنشا، ورىس ءتىلى ءداستۇرلى تۇردە كحدر-دەگى ەڭ تانىمال ءۇش شەتەل ءتىلىنىڭ قاتارىنا كىرەدى. قازىر سولتۇستىك كورەيادا شامامەن 600 ادام ورىس ءتىلىن مەڭگەرىپ ءجۇر.
سونىمەن قاتار، كەلەسى جىلى كحدر-دا كيم چحول چجۋ اتىنداعى پەداگوگيكالىق ۋنيۆەرسيتەت بازاسىندا ورىس تىلىندەگى اشىق ءبىلىم بەرۋ ورتالىعى اشىلادى. قازىر ورتالىق ورنالاساتىن عيماراتتىڭ قۇرىلىسى ءجۇرىپ جاتىر.
