"Biz Ýkraınaǵa qarsy agressııasyn jalǵastyrý úshin Reseıdiń qaıdan tapsa, odan tapsyn, qarý satyp alýdy qajetsinetindigin kóremiz", - dedi Blınken.
Blınken tek Soltústik Koreıa ǵana emes, sonymen birge Reseıdiń "Azamattyq ınfraqurylymdy buzý jáne Ýkraınadaǵy beıbit turǵyndardy óltirý" úshin Iranmen odaqtasqanyn atap ótti. "Reseıge kóptegen ushqyshsyz ushaqtardy jetkizgen" Irandy synǵa aldy.
Oraıy kelgende aıta keteıik, birneshe kún buryn, 26 shildede, Shoıgý Koreıa soǵysynyń aıaqtalǵanyna 70 jyl tolýyna oraı Soltústik Koreıaǵa keldi. Koronavırýstyq pandemııa kezinen bastap Phenıanǵa alǵashqy resmı sapary barysynda ol KHDR kóshbasshysy Kım Jen Ynmen kezdesti.
Soltústik Koreıa o bastan Reseı saıasatyn qoldap keledi, amerıkalyq barlaý málimetteri boıynsha Reseıge qarý-jaraq jetkizdi. Degenmen "murtyn balta shappaıtyn" Phenıan bul aıyptaýlardy joqqa shyǵarady.
"Adyrna" ulttyq portaly
