ماسكەۋدە، 21 شىلدە، جۇما كۇنى ۋكرايناعا باسقىنشىلىق جاساۋشىلاردىڭ ءبىرى، مويىندالماعان دونەتسك حالىق رەسپۋبليكاسىنىڭ بۇرىنعى قورعانىس ءمينيسترى، بلوگەر جانە اسكەري ساراپتاماشى يگور سترەلكوۆ ۇستالدى. سوت ونى رەسەي بيلىگىنىڭ ارەكەتىن سىناعانى ءۇشىن "ەكسترەميست" دەپ ايىپتاپ، قىلمىستىق ءىس بويىنشا تەرگەۋ يزولياتورىنا جىبەرۋگە شەشىم قابىلدادى، دەپ حابارلايدى "ادىرنا" ۇلتتىق پورتالى.
مويىندالماعان "دونەتسك حالىق رەسپۋبليكاسىنىڭ" قورعانىس ءمينيسترى يگور سترەلكوۆتى قۇقىق قورعاۋ ورگاندارىنىڭ قىزمەتكەرلەرى قۇرىقتادى. سترەلكوۆقا قارسى قىلمىستىق ءىس اشىقتان-اشىق ەكسترەميستىك قىزمەتتى جۇزەگە اسىرۋعا ۇمتىلدى دەگەن جەلەۋ بويىنشا قوزعالعان.
تەرگەۋشىلەر ونى تەرگەۋ يزولياتورىنا جىبەرۋدى سۇرادى، ال ءوزى مىرزاقاماققا ء(ۇي قاماعىنا) الۋدى ۇسىندى، دەپ حابارلادى "مەديازونا".
سوڭعى ۋاقىتتاردا رەسەيدىڭ باسقىنشىلىق ساياساتىن قاتتى ايىپتاپ، ۇرىس تاسىلدەرى مەن اسكەري ساياساتىن سىناپ جۇرگەن سترەلكوۆتىڭ ءوزى قازىرگى جايدايى تۋرالى بىلاي دەيدى:
"جاقىندا ماعان ەكىنشى دارەجەلى ستەنوكارديا دياگنوزى قويىلدى، ال ونى ايعاقتايتىن انىقتاما الۋعا ۋاقىتىم بولمادى. مەن كۇندەلىكتى ءدارى-دارمەك ىشەتىن اداممىن. مەن سوت تاعايىنداعان بۇل پروتسەستى ءۇي قاماعىندا وتكىزگىم كەلەدى".
شەتەلدىك اقپارات ارنالارى كوپتەگەن جىلدار بويى ۇلتتىق قورعانىس وفيتسەرى بولعانىنا قاراماستان سترەلكوۆتىڭ ۇستالعانىن ايتادى.
ەسكە سالا كەتەيىك، سترەلكوۆتى مالايزيانىڭ Boeing MH-17 اپاتى بويىنشا گااگا سوتى ءومىر بويىنا باس بوستاندىعىنان ايىرعان ەدى. BBC ارناسى سترەلكوۆتى سوتتاۋ تۋرالى بۇيرىقتىڭ جوعارىدان تۇسكەنىن ايتادى. ولاردىڭ جازۋىنشا، توعىز جىل سترەلكوۆ رەسەي پرەزيدەنتى ۆلاديمير ءپۋتيننىڭ ساياساتىن سىناپ كەلەدى.
"ادىرنا" ۇلتتىق پورتالى
