رەسەيدىڭ قازاقستانمەن شەكارادا ورنالاسقان التاي رەسپۋبليكاسىنىڭ كوكسۋ اۋدانىنداعى تىڭعىر ەلدى مەكەنىندە مي-8 تىكۇشاعى ورتەنىپ كەتتى. سالدارىنان 6 ادام قازا تاپتى. بۇل تۋرالى رەسەيدىڭ توتەنشە جاعدايلار مينيسترلىگى ءمالىم ەتتى، دەپ حابارلايدى “ادىرنا” ۇلتتىق پورتالى.
"وقيعا ورنىندا ءورت ءسوندىرۋ جانە اۆاريالىق-قۇتقارۋ بولىمشەلەرى جۇمىس ىستەپ جاتىر. قوسىمشا اقپارات انىقتالىپ جاتىر", – دەلىنگەن رەسەي توتەنشە جاعدايلار مينيسترلىگىنىڭ التاي رەسپۋبليكاسى بويىنشا باس باسقارماسىنىڭ حابارلاماسىندا.الدىن الا بولجام بويىنشا، تىكۇشاق ەلەكتر سىمدارىنا تيگەن. رەسەي توتەنشە جاعدايلار مينيسترلىگىنىڭ الدىن الا مالىمەتى بويىنشا، مي-8 بورتىندا 13 ادام بولعان. ونىڭ التاۋى قازا تاپتى.
ۇقساس جاڭالىقتار
