رەسەي جەڭىس كۇنىنە وراي 8–9 مامىر ارالىعىندا ۋاقىتشا اتىستى توقتاتۋ رەجيمى ەنگىزىلەتىنىن مالىمدەدى، دەپ حابارلايدى "ادىرنا" ۇلتتىق پورتالى ۆۆس-گە سىلتەپ.
ۆەدومستۆونىڭ حابارلاۋىنشا، شەشىم ۆلاديمير پۋتين باستاماسىمەن قابىلدانعان. قورعانىس مينيسترلىگىنىڭ مالىمدەمەسىندە تاراپتاردان وسى باستاماعا قوسىلۋ كۇتىلەتىنى ايتىلدى.
وسىدان كەيىن ۆلاديمير زەلەنسكي الەۋمەتتىك جەلىلەردە ۋكراينا تاراپىنان دا 5 مامىر تۇنگى 00:00-دەن باستاپ اتىستى توقتاتۋ رەجيمى ەنگىزىلەتىنىن جاريالادى. ۋكراينا پرەزيدەنتى ءوز جازباسىندا قازىرگى ۋاقىتقا دەيىن رەسەي تاراپىنان اتىستى توقتاتۋ شارتتارى بويىنشا رەسمي ۇسىنىس تۇسپەگەنىن اتاپ ءوتتى. سونىمەن قاتار ول ادام ءومىرىن كەز كەلگەن مەرەكەدەن جوعارى باعالايتىنىن ايتىپ، ۋاقىتشا «تىنىشتىق رەجيمىن» ەنگىزۋ تۋرالى شەشىم قابىلداعانىن جەتكىزدى.
رەسەي قورعانىس مينيسترلىگى ءوز مالىمدەمەسىندە زەلەنسكيدىڭ بۇعان دەيىنگى سوزدەرىن سىلتەمە رەتىندە كەلتىرىپ، ولاردى ماسكەۋگە شابۋىل جاساۋ قاۋپى رەتىندە باعالادى.
بۇعان دەيىن زەلەنسكي رەسەي استاناسىندا وتەتىن پارادقا قاتىستى پىكىر ءبىلدىرىپ، قاۋىپسىزدىك جاعدايىنا بايلانىستى اسكەري تەحنيكانىڭ كورسەتىلمەۋى مۇمكىن ەكەنىن ايتقان بولاتىن. رەسەي تاراپى اتىستى توقتاتۋ رەجيمى بۇزىلعان جاعدايدا كيەۆ ورتالىعىنا سوققى جاساۋ مۇمكىندىگىن دە ەسكەرتكەن.
