Reseıdiń Qazaqstanmen shekarada ornalasqan Altaı Respýblıkasynyń Kóksý aýdanyndaǵy Tyńǵyr eldi mekeninde Mı-8 tikushaǵy órtenip ketti. Saldarynan 6 adam qaza tapty. Bul týraly Reseıdiń tótenshe jaǵdaılar mınıstrligi málim etti, dep habarlaıdy “Adyrna” ulttyq portaly.
"Oqıǵa ornynda órt sóndirý jáne avarııalyq-qutqarý bólimsheleri jumys istep jatyr. Qosymsha aqparat anyqtalyp jatyr", – delingen Reseı Tótenshe jaǵdaılar mınıstrliginiń Altaı Respýblıkasy boıynsha Bas basqarmasynyń habarlamasynda.
Aldyn ala boljam boıynsha, tikushaq elektr symdaryna tıgen.
Reseı Tótenshe jaǵdaılar mınıstrliginiń aldyn ala málimeti boıynsha, Mı-8 bortynda 13 adam bolǵan. Onyń altaýy qaza tapty.
