ەكىباستۇزدا جانارماي قۇيۋ بەكەتىندە بولعان ءورت سالدارىنان 17 جاستاعى ءجاسوسپىرىم قازا تاپتى، - دەپ حابارلايدى "ادىرنا" ۇلتتىق پورتالى.
جاس جىگىتتىڭ دەنەسى جانارماي قۇيۋ ستانتسياسىنىڭ تسيستەرناسىنىڭ جانىنان تابىلدى. 2006 جىلى تۋعان مارقۇمنىڭ جەكە باسى انىقتالدى.
پاۆلودار وبلىسى توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە، وقيعا ورنىندا ءتورت گاز تسيستەرناسىنان باسقا 40-قا جۋىق گاز باللونى بولعان.
ء"ورت شامامەن 200 شارشى مەتر اۋماقتى قۇرايتىن جاقىن ماڭداعى ازىق-تۇلىك دۇكەنىنىڭ شاتىرىنا جايىلدى. سونداي-اق 20 شارشى مەتر اۋماقتاعى سۋ مۇناراسىنىڭ شاتىرى ورتەندى. ساعات 15:22-دە سۋ قويماسىنىڭ ماڭىنان جاس جىگىتتىڭ دەنەسى تابىلدى. جەكە تۇلعا انىقتالىپ جاتىر. ءورت ساعات 15:00-دە انىقتالدى. وقيعانىڭ سەبەبى ناقتىلانۋدا، ءورتتى ءسوندىرۋ جالعاسۋدا»، - دەپ ءتۇسىندىردى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
ۆەدومستۆوداعىلار جەكە سەكتور جانارماي قۇيۋ بەكەتىنە قارسى كوشەدە ءجۇز مەتردەن استام قاشىقتىقتا ورنالاسقانىن ءتۇسىندىردى. تۇرعىنداردى ەۆاكۋاتسيالاۋ بولعان جوق.
ەسكە سالايىق، 26 شىلدەدە ەكىباستۇزداعى جانارماي قۇيۋ بەكەتىندە جارىلىس بولىپ، ءورت باستالعانى حابارلانعان بولاتىن. ۋچاسكەدە 20 قىزمەتكەر مەن 7 تەحنيكا جۇمىس ىستەۋدە.
بۇعان دەيىن وقيعانىڭ كۋاگەرلەرى بىرنەشە جارىلىس بولعانىن حابارلاعان.
