اقتوبە وبلىسى حرومتاۋ قالاسىندا تۇرعىن ءۇي ورتەنىپ، قۇتقارۋشىلار 60 ادامدى قاۋىپسىز جەرگە كوشىردى. بۇل تۋرالى توتەنشە جاعدايلار مينيسترلىگى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، قالاداعى ەسەت باتىر كوشەسىندە بەس قاباتتى ۇيدە پاتەر ورتەندى. وندا گاز شلانگىسىنىڭ بۇزىلۋىنان ءورت شىققان.
«قۇتقارۋشىلار 60 تۇرعىندى ەۆاكۋاتسيالادى. ونىڭ ىشىندە 15 بالا بار. ءورت سوندىرۋشىلەر گاز قۇبىرىن جەدەل جاۋىپ، ءورتتىڭ تارالۋىنا جول بەرمەدى»، دەلىنگەن حابارلامادا.
