پرەمەر-مينيستر ءاليحان سمايىلوۆ ەكىباستۇزداعى اپاتتى جاعدايدىڭ باستى سەبەپتەرىن اتادى.، دەپ حابارلايدى “ادىرنا” ۇلتتىق پورتالى.
«قازىرگى جاعدايدىڭ سەبەپتەرى جىلۋ جەلىلەرىنىڭ ابدەن توزۋى جانە جىلۋ ورتالىعى باسشىلىعى تاراپىنان نەمقۇرايدىلىق پەن ينۆەستيتسيالاردىڭ جەتكىلىكسىزدىگى بولىپ وتىر. ءتيىستى تەرگەۋ جۇرگىزىلىپ جاتىر جانە بارلىق جاۋاپتى جانە كىنالى ادامدار، ارينە، جاۋاپقا تارتىلادى»، - دەدى پرەمەر-مينيستر ەكىباستۇزعا جۇمىس ساپارى بارىسىندا.
سونىمەن بىرگە، ۇكىمەت باسشىسى جەو يەلەرىمەن ءتيىستى جۇمىس جۇرگىزىلەتىنىن، بيىلعى جىلىتۋ ماۋسىمىندا ولار تولىعىمەن تەتس پەن جىلۋ جەلىلەرىنىڭ تۇراقتى جۇمىسىن قامتاماسىز ەتەتىنىن جەتكىزدى.
ەسكە سالايىق، 27 قاراشادا ەكىباستۇز حالقى قاقاعان سۋىقتا جىلۋسىز قالدى. «ەكىباستۇزەنەرگو» جشس-نىڭ حابارلاۋىنشا، 27 قاراشادا تۇنگى ساعات 01:20 ۋاقىتىندا №11 جىلۋ قازاندىعى توقتاعان. سوسىن 01:30 شاماسىندا ۇلكەن كولەمدەگى جەلىلىك سۋ شىعىنىنا بايلانىستى، №13, 14 جانە 15 قازاندىقتار ىستەن شىققان.
28 قاراشادا ەكىباستۇز قالاسىنىڭ اكىمى جىلۋ جەلىلەرىندەگى اپاتقا بايلانىستى قالا اۋماعىندا تەحنوگەندىك سيپاتتاعى جەرگىلىكتى توتەنشە جاعداي جاريالادى. اپات سالدارىنان كوپقاباتتى 17 تۇرعىن ءۇي جانە بىرنەشە الەۋمەتتىك، زاڭدى تۇلعا نىساندارى جىلۋسىز قالدى.
