استانادا ادامداردى قۇتقارۋ كەزىندە ەرلىكپەن قازا تاپقان باتىر ءورت ءسوندىرۋشى اسقار زابيكۋلين تۋرالى تەلەسەريال قىركۇيەكتە كورسەتىلەدى. بۇل تۋرالى اقپارات جانە قوعامدىق دامۋ ءمينيسترى دارحان قىدىرالى ايتتى، دەپ حابارلايدى «ادىرنا» ءتىلشىسى.
«سوڭعى كەزدەرى ەلىمىزدە سەريال ءوندىرىسى، كرەاتيۆتى يندۋستريا دامىپ جاتقانى بەلگىلى. بىزدە تۇسىرىلگەن سەريالداردى شەتەلدىك ارنالارعا ساتىپ الۋدا. سونداي ءفيلمنىڭ ءبىرى - قاراپايىم دا ادال ەڭبەك ادامىن سۋرەتتەيتىن “قاhارمان” اتتى تەلەونىم. ءورت كەزىندە وپات بولعان باتىر بەينەسىن ناسيحاتتايتىن سەريالدىڭ سيۋجەتى شىنايى وقيعالارعا نەگىزدەلگەن - حالىق قاھارمانى اسقار زابيكۋلين تۋرالى. باس كەيىپكەرى - وتكەن جىلى عانا الاۋمەن ارپالىسىپ، ءۇش ادامنىڭ ءومىرىن قۇتقارعان، وكىنىشكە وراي، ءوزى اجال قۇشقان ءورت ءسوندىرۋشى اسقار زابيكۋللين»،—دەدى مينيستر.
ەسكە سالا كەتسەك، بىلتىر 16 قاراشادا اسقار زابيكۋلين استاناداعى تۇرعىن ءۇي كەشەنىندە بىرنەشە ادامدى ورتتەن امان الىپ شىقتى. ءتىلسىز جاۋ سالدارىنان دەنەسىنىڭ 80 پايىزىن كۇيىپ شالعان ءورت ءسوندىرۋشى اۋرۋحانادا كوز جۇمدى. ونىڭ ارتىندا ايەلى مەن ەكى بالاسى قالدى.
