"قۇتقارۋشى اسقار زابيكۋليننىڭ تۋىستارى مەن جاقىندارىنا شىن جۇرەكتەن كوڭىل ايتامىز. بۇل ءبارىمىز ءۇشىن ورنى تولماس قايعى. اسقار جانكەشتى ارەكەتىنىڭ ارقاسىندا بىرنەشە ادامدى قۇتقارىپ قالدى. اسقاردىڭ ارتىندا ەكى كىشكەنتاي بالاسى قالدى. وزدەرىڭىز بىلەتىندەي، اسقار زابيكۋليننىڭ جۇبايىنا ءۇش بولمەلى پاتەردىڭ سەرتيفيكاتى تاپسىرىلدى. جاڭا باسپانا ەسىل اۋدانىنداعى جاڭا تۇرعىن ءۇي كەشەنىندە ورنالاسقان. بۇل پاتەر اسكاردىڭ وتباسىنا جەكەمەنشىككە، ارلەنگەن كۇيدە ءارى جيھازىمەن بىرگە بەرىلەدى. قازىر قۇجاتتارىن راسىمدەۋ جۇمىسى ءجۇرىپ جاتىر.
ال قۇتقارۋشى ايان كەمپىروۆتىڭ وتباسىنا كومەك رەتىندە يپوتەكاسى جابىلدى. ونىڭ سوماسى 24 ميلليون تەڭگەنى قۇرايدى. سول سياقتى اسقار زابيكۋلين مەن ايان كەمپىروۆتىڭ وتباسىلارىنا تيەسىلى 6 ميلليون تەڭگەنىڭ نەسيەسى وتەلدى. استانا تجد قىزمەتكەرلەرى ءورت كەزىندە ەرلىك كورسەتىپ، وزگەلەردىڭ ءومىرىن ساقتاپ قالدى. اسقاردىڭ باتىرلىعى مەن قىسىلتاياڭ ساتتەگى جانقيارلىق ارەكەتى جۇرەگىمىزدە ماڭگى ساقتالادى. مەملەكەت قۇتقارۋشىلاردىڭ وتباسىلارىنا بارىنشا قولداۋ كورسەتىپ، قامقورلىعىنا الىپ كەلەدى",- دەپ جازدى اقمارال ولجاباەۆا.
"ادىرنا" ۇلتتىق پورتالى
