«چەلوۆەك گودا ەۆرازي» ۇيىمداستىرۋ كوميتەتىنىڭ شەشىمىمەن اسقار زابيكۋلين «جىل ادامى» بايقاۋىندا «التىن ادام» پرەمياسىنىڭ لاۋرەاتى اتاندى، دەپ حابارلايدى “ادىرنا” ۇلتتىق پورتالى Azattyq Ruhyسايتىنا سىلتەمە جاساپ.
ەسكە سالايىق، وسى جىلدىڭ 16 قاراشاسىندا استانادا مومىشۇلى داڭعىلىنداعى 15 قاباتتى ۇيدە ءورت شىعىپ، بەس ادام قۇتقارىلعان بولاتىن. سول كەزدە ءورت سوندىرۋشىلەردىڭ ءبىرى اسقار زابيكۋلين ءومىرىن قاتەرگە تىگە وتىرىپ، تۇرعىنداردى قۇتقارىپ قالعانىمەن، ءوزى قاتتى كۇيىك الىپ، 20 قاراشادا اۋرۋحانادا كوز جۇمدى. ونىڭ ارتىندا ايەلى مەن ەكى بالاسى قالدى.
اسقار زابيكۋليننىڭ وتباسىنا 3 بولمەلى پاتەر، بالالارىنا بولاشاقتا وقۋ ورىندارىنا گرانت ءبولىنىپ، بارلىق نەسيەسى جابىلعان بولاتىن.
اسقار زابيكۋلين اۋرۋحانادا جاتقاندا پرەزيدەنتتىڭ جارلىعىمەن، I دارەجەلى «ايبىن» وردەنىمەن ناگرادتالعان ەدى. الايدا، كوپ ۇزاماي دەنەسىنىڭ 80 پايىزىن كۇيىك شالعان ءورت ءسوندىرۋشى كوز جۇمدى.
كەيىن بەلگىلى بولعانداي، قر تجم مالىمەتىنشە ءورتتىڭ شىعۋىنا ەلەكتر سىمدارىنىڭ قىسقا تۇيىقتالۋىنا اكەپ سوقتىرعان ۇزارتقىش جەلىسىندەگى اقاۋ سەبەپ بولعان.
