پرەزيدەنت قاسىم-جومارت توقاەۆ استانا قالاسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى جەدەل كەزەكشىسىنىڭ كومەكشىسى اسقار سەرىكۇلى زابيكۋليننىڭ قىزمەتتىك بورىشىن اتقارۋ كەزىندە اۋىر جاراقات الىپ، اۋرۋحانادا دۇنيەدەن وتۋىنە بايلانىستى وتباسى مەن جاقىن تۋىستارىنا كوڭىل ايتۋ جەدەلحاتىن جولدادى، دەپ حابارلايدى “ادىرنا” ۇلتتىق پورتالى.
“اسقار سەرىكۇلى توتەنشە جاعدايلار سالاسىندا ەڭبەك ەتىپ، ەلىمىزگە ادال قىزمەت ەتۋدىڭ ۇلگىسىن كورسەتە بىلگەن ازامات ەدى. استاناداعى كوپقاباتتى ۇيدە بولعان ءورت كەزىندە وقيعا ورنىنا شۇعىل جەتىپ، بىرنەشە ادامنىڭ ءومىرىن ساقتاپ قالدى. وسى ءبىر ارەكەتى ارقىلى ول وتان الدىنداعى ازاماتتىق انتىنا بەرىك ەكەنىن جانە جانقيارلىق ەرلىگىن كورسەتتى. ونىڭ ەسىمى مەن جارقىن بەينەسى حالقىمىزدىڭ جۇرەگىندە ساقتالادى. مارقۇمنىڭ جانى ءجانناتتا، يمانى سالامات بولسىن”، – دەپ جازىلعان جەدەلحاتتا.
سونداي-اق، توقاەۆتىڭ تاپسىرماسى بويىنشا ورت ءسوندىرۋشىنىڭ ەسىمىن ماڭگى ەستە ساقتاۋ ماقساتىندا استانا قالاسىنداعى كوشەلەردىڭ بىرىنە اسقار زابيكۋليننىڭ ەسىمى بەرىلىپ، ءبيۋستى ورناتىلادى.
