ماسكەۋ قالالىق سوتىنىڭ الاڭنان تىس وتىرىسىندا وتكەن پىكىرتالاس كەزىندە پروكۋراتۋرا ساياساتكەر الەكسەي ناۆالنىيدان «ەكسترەميستىك» ءىس بويىنشا قاتاڭ رەجيمدەگى كولونيادا 20 جىل جازاسىن وتەۋدى سۇرادى، دەپ حابارلايدى “ادىرنا” ۇلتتىق پورتالى.
ماسكەۋ قالالىق سوتىنىڭ سوت وتىرىسى 20 شىلدەدە بۇرىنعى ءىس بويىنشا ناۆالنىي 9 جىل جازاسىن وتەپ جاتقان ۆلاديمير وبلىسىنداعى تۇزەۋ كولونياسىندا ءوتتى.
ەكىنشى ايىپتالۋشى، ناۆالنىي LIVE YouTube ارناسىنىڭ بۇرىنعى تەحنيكالىق ديرەكتورى دانيەل حولودنىيعا پروكۋرور ون جىل جازاسىن كولونيادا وتەۋدى سۇرادى.
ناۆالنىيعا قاتىستى جاڭا ءىس ءساۋىر ايىندا بەلگىلى بولدى. ول «ەكسترەميستىك قوعامداستىق قۇرۋ»، «ەكسترەميزمدى قارجىلاندىرۋ»، «ەكسترەميزمگە شاقىرۋ»، «ازاماتتاردىڭ قۇقىقتارىنا نۇقسان كەلتىرەتىن قوعامدىق ۇيىم قۇرۋ»، «كامەلەتكە تولماعانداردى قاۋىپتى ارەكەتتەرگە تارتۋ» جانە «ادامداردى وڭالتۋ» دەگەن التى باپ بويىنشا ايىپتالىپ وتىر.
بۇعان دەيىن ناۆالنىي ءوزى تۇرمەدە وتىرعان شيزو-دا تىيىم سالىنعان زات بولىپ سانالاتىندىقتان، وعان ءىس ماتەريالدارىمەن تانىسۋعا رۇقسات ەتىلمەگەنىن حابارلاعان.
