ايەلىن اياۋسىز ءولتىردى دەپ ايىپتالعان ەكس-مينيستر قۋاندىق بيشىمباەۆتىڭ ءىسى استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالۋدا، دەپ حابارلايدى “ادىرنا” ۇلتتىق پورتالى.
بۇگىن سوت وتىرىسىندا القابيلەردىڭ ءبىرى اۋىستىرىلدى. بۇل تۋرالى سۋديا ايتتى.
"پروتسەسكە قاتىسۋشىلار نازارىنا، سوت وتىرىسى زالىنا دەنساۋلىق جاعدايى بويىنشا 2 ءنومىرلى القابي كەلگەن جوق. قىلمىستىق ءىس جۇرگىزۋ كودەكسىنىڭ 645-بابىنا سايكەس القابيلەر مەن قوسالقى القابيلەر ءىستى سوت تالقىلاۋى كەزىندە ۇنەمى قاتىسۋعا ءتيىس. ەگەر سوت تالقىلاۋى بارىسىندا، بىراق، القابي مەن سۋديا ۇكىم شىعارۋ ءۇشىن كەڭەسۋ بولمەسىنە شىققانعا دەيىن القابيلەردىڭ كەز كەلگەنى سوت وتىرىسىنا قاتىسۋدى جالعاستىرا المايتىنى انىقتالسا، وندا ول قوسالقى القابيلەردىڭ تەگى كورسەتىلگەن بيلەتتەر جاشىكتەن شىعارىلعان تارتىپپەن قوسالقى القابيلەرمەن اۋىستىرىلادى. وسىعان بايلانىستى قىلمىستىق ءىس جۇرگىزۋ كودەكسىنىڭ 645-بابىنا سايكەس №11 زاپاستاعى القابيدەن №2 القابيدىڭ ورنىنا وتىرۋدى سۇرايمىن", - دەدى سۋديا ايجان كۋلباەۆا.
