بيىل التى اي ىشىندە قازاقستاندا تىركەلگەن تابيعي جانە تەحنوگەندىك سيپاتتاعى توتەنشە جاعدايلاردىڭ شىعىنى ەسەپتەلدى. ماتەريالدىق شىعىن مەن جان شىعىنى - شاش ەتەكتەن. شىعىن كورسەتكىشى بىلتىرمەن سالىستىرعاندا 7,3%-عا كوپ، دەپ حابارلايدى "ادىرنا" ۇلتتىق پورتالى.
توتەنشە جاعدايلار مينيسترلىگىنىڭ سايتىندا جاريالانعان جارتى جىل ىشىندەگى جۇمىستاردىڭ ەسەبىندە شىعىن كورسەتكىشى بىلتىرمەن سالىستىرعاندا 7,3%-عا كوپ ەكەنى كورسەتىلەدى:«جىل باسىنان بەرى 6 200 تابيعي جانە تەحنوگەندىك سيپاتتاعى توتەنشە جاعداي جانە وقيعالار تىركەلدى. بۇل وتكەن جىلدىڭ سايكەس كەزەڭىمەن سالىستىرعاندا 7,3%-عا كوپ. ونىڭ سالدارىنان 858 ادام زارداپ شەگىپ، 316 ازامات قازا تاپتى. كەلتىرىلگەن ماتەريالدىق شىعىن 2 ملرد 584 ملن 85 مىڭ تەڭگە. تەحنوگەندىك سيپاتتاعى 5 647 توتەنشە جاعداي تىركەلگەن. ودان 480 ادام زارداپ شەگىپ، 222 ادام كوز جۇمدى»، - دەپ جازىلعان سايتتا.
مەكەمەنىڭ بەرسەك اقپاراتىنا سەنسەك، تەحنوگەندىك سيپاتتاعى جاعدايلاردىڭ 91%-ى وندىرىستىك جانە تۇرمىستىق ورتپەن تىكەلەي بايلانىستى. ناقتى ايتساق، جارتى جىلدا 5 139 ءورت بولىپ، ودان 346 ادام زارداپ شەككەن، وكىنشكە قاراي، 194 ادام اجال قۇشقان. سونىمەن قاتار بۇل وقيعالاردان 2,2 ملرد تەڭگە ماتەريالدىق شىعىن كەلدى.
"ادىرنا" ۇلتتىق پورتالى
