- پەداگوگ اتانۋ ءۇشىن عانا ەمەس، ءبىلىم وشاعىن، ءبىلىم ءبولىمىن باسقارۋ ءۇشىن دە ادامدا بەلگىلى ءبىر مورالدىق قۇقىق بولۋى شارت! تاربيەشىسى 19 مىڭ تەڭگە بولنيچنىيىن الا الماي جۇرگەندە وزىنە 376 مىڭ تەڭگە ماتەريالدىق كومەك الۋعا ۇياتى جەتەتىن ازاماتتىڭ ءبىلىم ءبولىمىن باسقارۋىنىڭ سالدارى قانداي بولماق؟ بالا باقشا قىزمەتكەرلەرىنىڭ بالالارى ساۋساقتارىن سورىپ وتىرعاندا، دوكەيلەردىڭ بالالارى بال جالاپ وتىرا بەرسىن بە؟ مۇنداي جاعدايدا ءسوز ەڭ الدىمەن "ادىلەتتى قازاقستان ورناتامىز" دەپ جۇرگەن مەملەكەت باسشىسىنا تيەدى. حالىقتىڭ پرەزيدەنت پەن ونىڭ جۇرگىزىپ وتىرعان ساياساتىنا دەگەن سەنىمىنە سەلكەۋ تۇسىرەدى.. تۇلكىباس جاقتان تاعى شۋ شىقتى.. باسشىلاردىڭ الدەبىر شەشىمىنە نارازى تۇرعىندار كوشەدە ءجۇر.. كوكتەمدە مەن دابىل قاققان كەزدە وسى ازاماتتى "اينالايىن، كەتە قويشى" دەگەندە بۇگىنگى داۋ بولماس ەدى! وسىنداي جاعدايلاردى مينيستر شەشە الماسا، وبلىستىق ءبىلىم باسقارماسىنىڭ باسشىسى شەشە الماسا، مۇمكىن ءماجىلىس جانە قوعامدىق پالاتا توراعاسى ەرلان قوشانوۆ مىرزا شەشەر. سول كىسىنىڭ نازارىنا جەتكىزىڭىزشى. قاڭتار قىرعىنى قايتالانباسىن دەسەك، "مەملەكەتتىك قىزمەتكەر" دەگەن اتقا كولەڭكە تۇسىرەتىن شەنەۋنىكتەردەن جەدەل تۇردە ارىلۋىمىز قاجەت! سىزدەرگە دەگەن قۇرمەتپەن قر پارلامەنتىنىڭ ءماجىلىسى جانىنداعى قوعامدىق پالاتانىڭ مۇشەسى ءومىر شىنىبەكۇلى، - دەپ جازدى.
شەنەۋنىككە اقشا اۋدارىلعانى تۋرالى قۇجاتتىڭ فوتوسى الەۋمەتتىك جەلىدە تاراپ كەتتى. مۇنىمەن قويماي بۇل اۋداندا كەيبىر مەكتەپ ديرەكتورىنىڭ ورىنباسارلارى مەن مۇعالىمدەردىڭ 250 مىڭ تەڭگە سىياقى الىپ كەلگەنى دە بەلگىلى بولدى.
ء"بىلىم سالاسىنداعى 20 جىلدىق تاجىريبەمدە پەداگوگتارعا 250 مىڭ تەڭگە كولەمىندە سىياقى تولەنگەنىن ەسىمە تۇسىرە الماي وتىرمىن. ال تۇلكىباس اۋدانىندا كەيبىر مەكتەپ ديرەكتورىنىڭ ورىنباسارلارى مەن مۇعالىمدەرگە 250 مىڭ سىياقى بەرىلگەن... ارينە، بۇل قۇجاتتاردىڭ قانشالىقتى راس ەكەنىن بىلمەيمىن. ونى قۇزىرلى ورگاندار تەكسەرسىن", — دەدى ءومىر شىنىبەكۇلى.
اۆتوردىڭ جازباسى وقىرمان قاۋىمدى ىزالاندىردى. ولار:
"مۇنداي ماسەلە تەك ءبىلىم سالاسىندا عانا بولماي تۇر عوي، وكىنىشكە قاراي...", "الەۋمەتتىك جەلىنى شۋلاتىپ كەلە جاتقانىنا بۇل باسشىنىڭ ءبىراز ۋاقىت بولدى عوي. سوندا دا بىلگەنىن ىستەپ وتىر؟ تۇلكىباس اۋدانىنا زاڭ جۇرمەي مە؟ الدە بۇل كىسىنىڭ كرىشاسى مىقتى ما؟ بۇل جاعدايدان دا سىتىلىپ شىعاتىنىنا كۇمانىم جوق", "تاربيەشىلەردى ءوزارا قىرىلىستىرىپ، ەل ىشىنە لاڭ سالعان باسشىنى ورنىنان سىرعىتۋعا ەشكىمنىڭ قاۋقارى جەتەر ەمەس" دەپ جازۋدا.
"ادىرنا" ۇلتتىق پورتالى
