الماتىلىق جاستار بەلسەندىسى، الماتى قالاسى قاسىل قاتىقباەۆا اتىنداعى 168 مەكتەپ-گيمنازيا ديرەكتورى باۋىرجان ايتكاريموۆ:
“ۇسىنىلىپ وتىرعان كونستيتۋتسيا جوباسى — قازاقستاننىڭ ساياسي-قۇقىقتىق دامۋىن جاڭا ساپالىق دەڭگەيگە كوتەرەتىن ىرگەلى قۇجات. بۇل اتا زاڭ ادام مەن ونىڭ قۇقىقتارىن مەملەكەتتىڭ ەڭ جوعارى قۇندىلىعى رەتىندە بەكىتىپ، «ادىلەتتى قازاقستان» يدەياسىن ناقتى قۇقىقتىق مازمۇنمەن تولىقتىرادى. ءولىم جازاسىنا تولىق تىيىم سالىنۋى، ءسوز ەركىندىگى مەن جەكە ءومىردىڭ، تسيفرلىق دەرەكتەردىڭ كونستيتۋتسيالىق قورعالۋى — ونىڭ پروگرەسسيۆتى سيپاتىن ايقىن كورسەتەدى.
پرەزيدەنتتىك باسقارۋ ۇلگىسى ساقتالا وتىرىپ، ءبىر رەتتىك جەتى جىلدىق مەرزىمنىڭ ەنگىزىلۋى بيلىكتىڭ جاۋاپكەرشىلىگىن ارتتىرادى. قۇرىلتاي ينستيتۋتى زاڭ شىعارۋ عانا ەمەس، اتقارۋشى بيلىككە ساياسي باقىلاۋ جاسايتىن ۇلتتىق وكىلدى ورگان رەتىندە ايقىندالعان. ال كونستيتۋتسيالىق سوتقا ازاماتتاردىڭ تىكەلەي جۇگىنۋ قۇقىعى — قۇقىقتىق مەملەكەتتىڭ شىنايى كەپىلى.
بۇل كونستيتۋتسيا — فورمالدى نورمالار جيىنتىعى ەمەس، ادام قادىرىن، ادىلەت پەن زاڭ ۇستەمدىگىن باستى قۇندىلىق ەتەتىن وركەنيەتتىك تاڭداۋ”-دەپ اتاپ ءوتتى.
