اقتوبە وبلىسىنىڭ بايعانين اۋدانىندا بولعان جول-كولىك وقيعاسى سالدارىنان بەس ادام كوز جۇمدى، دەپ حابارلايدى "ادىرنا" ۇلتتىق پورتالى.
الدىن الا مالىمەتتەرگە سايكەس، ۆاز ماركالى جەڭىل كولىك پەن DAF جۇك كولىگى سوقتىعىسقان. اپات سالدارىنان جەڭىل كولىكتىڭ جۇرگىزۋشىسى مەن ءتورت جولاۋشىسى وقيعا ورنىندا قازا تاپتى. قازا بولعانداردىڭ ءبىرى – كامەلەتكە تولماعان بالا.
«جول اپاتى سالدارىنان ۆاز اۆتوكولىگىنىڭ جۇرگىزۋشىسى مەن ءتورت جولاۋشىسى العان جاراقاتتارىنان وقيعا ورنىندا كوز جۇمدى. تاعى ءبىر جولاۋشى ءتۇرلى جاراقاتتارمەن بايعانين اۋداندىق ورتالىق اۋرۋحاناسىنا جەتكىزىلدى»، – دەپ حابارلادى اقتوبە وبلىستىق پوليتسيا دەپارتامەنتى.
قازىرگى ۋاقىتتا اتالعان دەرەك بويىنشا سوتقا دەيىنگى تەرگەۋ باستالىپ، وقيعانىڭ بارلىق ءمان-جايى انىقتالۋدا. پوليتسيا مالىمەتىنشە، جۇك كولىگىنىڭ جۇرگىزۋشىسى زارداپ شەكپەگەن.
وقيعا ورنىنان تۇسىرىلگەن كادرلار الەۋمەتتىك جەلىلەردە تارادى.
