Биыл алты ай ішінде Қазақстанда тіркелген табиғи және техногендік сипаттағы төтенше жағдайлардың шығыны есептелді. Материалдық шығын мен жан шығыны - шаш етектен. Шығын көрсеткіші былтырмен салыстырғанда 7,3%-ға көп, деп хабарлайды "Адырна" ұлттық порталы.
Төтенше жағдайлар министрлігінің сайтында жарияланған жарты жыл ішіндегі жұмыстардың есебінде шығын көрсеткіші былтырмен салыстырғанда 7,3%-ға көп екені көрсетіледі:«Жыл басынан бері 6 200 табиғи және техногендік сипаттағы төтенше жағдай және оқиғалар тіркелді. Бұл өткен жылдың сәйкес кезеңімен салыстырғанда 7,3%-ға көп. Оның салдарынан 858 адам зардап шегіп, 316 азамат қаза тапты. Келтірілген материалдық шығын 2 млрд 584 млн 85 мың теңге. Техногендік сипаттағы 5 647 төтенше жағдай тіркелген. Одан 480 адам зардап шегіп, 222 адам көз жұмды», - деп жазылған сайтта.
Мекеменің берсек ақпаратына сенсек, техногендік сипаттағы жағдайлардың 91%-ы өндірістік және тұрмыстық өртпен тікелей байланысты. Нақты айтсақ, жарты жылда 5 139 өрт болып, одан 346 адам зардап шеккен, Өкіншке қарай, 194 адам ажал құшқан. Сонымен қатар бұл оқиғалардан 2,2 млрд теңге материалдық шығын келді.
"Адырна" ұлттық порталы
