Qazaq fýtbolynyń ańyzy, Fýtbol ardagerleri odaǵynyń prezıdenti, Qazaqstan fýtbol federaııasy prezıdentiniń keńesshisi Seıilda Baıshaqov 73 jasqa qaraǵan shaǵynda ómirden ozdy, dep habarlaıdy «Adyrna» tilshisi.
«Seıilda Ikramuly KSRO sport sheberi, halyqaralyq dárejedegi sport sheberi, QR eńbegi sińirgen jattyqtyrýshysy boldy. Uzaq jyldar boıy almatylyq «Qaırattyń» kapıtany bolyp, KSRO ulttyq quramasynda oınady.
Seıilda Baıshaqovtyń otandyq fýtboldyń damýyna qosqan úlesi orasan. El fýtboly úshin aıanbaı eńbek etip, jas urpaqqa úlken tálim-tárbıe berdi. Seıilda Ikramulynyń týysqandary men jaqyndaryna qatty qaıǵyryp, kóńil aıtady. Seıilda Baıshaqov esimi bizdiń júregimizde máńgi qalady»,—dep jazdy Qazaqstan fýtbol federaııasy.
