ۇلتتار ليگاسىنىڭ توپتىق كەزەڭىنىڭ 5-ءشى تۋرىنداعى ويىندا قازاقستان قۇراماسى ءوز الاڭىندا اۆستريا قۇراماسىنان ۇتىلدى، دەپ حابارلايدى “ادىرنا” ۇلتتىق پورتالى Sportburo.kz سايتىنا سىلتەپ.
الماتىدا وتكەن كەزدەسۋ 2:0 ەسەبىمەن اۆستريالىقتاردىڭ پايداسىنا اياقتالدى.
15-مينۋتتا كريستوف باۋمگارتنەر ەسەپ اشسا، 23-ءشى مينۋتتا الاڭ يەلەرى الەكساندر ماروچكيننىڭ الاڭنان قۋىلۋىنا بايلانىستى ون اداممەن قالدى. بىرنەشە مينۋتتان كەيىن مايكل گرەگوريچ ەكىنشى گولدى سوقتى.
قازاقستان قۇراماسى ءۇشىن بۇل رەسەيلىك باپكەر ستانيسلاۆ چەرچەسوۆ جەتەكشىلىك ەتكەن ءتورتىنشى رەت جەڭىلىس بولدى. قازاقستان قۇراماسى بىردە-ءبىر گول سوقپاي، 1 ۇپايمەن ۇلتتار ليگاسىنىڭ ۆ3 توبىندا كەستەنى اياقتادى.
ەسكە سسلايىق، بۇعان دەيىن ستانيسلاۆ چەرچەسوۆ قازاقستان فۋتبول قۇراماسىنان كەتۋى مۇمكىن ەكەنىن سپورت ءجۋرناليسى ەرمۇحامەد ماۋلەن ايتقانىن حابارلادىق.
