الماتى وبلىسىندا تەلەفون الماقشى بولىپ اجەتحاناعا بىرىنەن-سوڭ ءبىرى تۇسكەن ەكى جىگىت قايتىس بولدى. بۇل تۋرالى بۇگىن توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
مالىمەتكە سايكەس، قايتىس بولعان ازاماتتاردىڭ ءبىرى 1995 جىلى، ەكىنشىسى 2000 جىلى تۋعان. اۋىل تۇرعىندارىنىڭ ايتۋىنشا، اعاسى اجەتحاناعا تەلەفونىن ءتۇسىرىپ الىپ، ونى الماقشى بولعاندا ۋلانىپ قالعان. ەكىنشى جىگىت اعاسىن قۇتقارۋ ءۇشىن تۇسكەن.
«رەسپۋبليكالىق جەدەل-قۇتقارۋ» جاساعى مەكەمەسىنىڭ قۇتقارۋشىلارى مايىتتەردى الىپ شىعىپ، پوليتسياعا تاپسىردى. قۇتقارۋشىلار تۇرعىندارعا ساق بولۋ كەرەكتىگىن ەسكەرتەدى. اشىق دارەتحانالارعا نەمەسە شۇڭقىرلارعا باعالى زات قۇلاتىپ الساڭىز، تۇسپەڭىز! ۋلى گازداردان ۋلانۋ جانە تۇنشىعۋ قاۋپى بار»، - دەيدى تجم وكىلدەرى.
