اۋدان اكىمدەرى سايلاۋىنا موراتوري قويۋدى ءبىر قادام كەرى كەتۋ دەپ ەسەپتەيمىن.
حالىققا سايلاۋ مادەنيەتىن ۇيرەتۋ ءۇشىن كەمى 4-5 سايلاۋ تسيكلى كەرەك.
ال كەيبىرەۋلەر ءىشىنارا وتكىزىلگەن ءبىر سايلاۋدان كەيىن "اقتامادى" دەپ توقتاتا سالماق... اكىمدەردى سايلاۋدى بۇدان 15 جىلداي بۇرىن باستاعاندا بۇگىنگە دەيىن تۇرعىندار سايلاۋ مادەنيەتىنە ماشىقتانىپ قالار ەدى.
العاشقى سايلاۋلاردا باعدارلاماسىن وقىماي-اق رۋلاسىنا (جۇزدەس، تايپالاس، اتالاس، اۋىلداس ت.س.س.) داۋىس بەرگەن سايلاۋشى بىرنەشە سايلاۋ تسيكلىنەن كەيىن، ەشكىمنىڭ ەشكىمگە ەشتەڭە ءبولىپ بەرمەيتىنىن ءتۇسىنىپ، كەلەسى سايلاۋلاردا ۇمىتكەردىڭ جەكە رەپۋتاتسياسىن شۇقشيىپ زەرتتەپ، باعدارلاماسىن استىن سىزىپ وقىپ، جان-جاقتى مۇمكىندىكتەرىن ەسەپتەپ بارىپ قانا ءوز تاڭداۋىن جاسايدى...
ۇقساس جاڭالىقتار
