شىعىس قازاقستاندا باسقارما "سەرگەك" كامەراسىن قوسقان كومپانياعا ميلليونداعان اقشا تولەگەن، دەپ حابارلايدى "ادىرنا" ۇلتتىق پورتالى.
وبلىستىق باسقارما «سەرگەك» جوباسىن ىسكە اسىرعان كومپانياعا 238 ملن تەڭگەنى زاڭسىز تولەگەن.
شقو پروكۋراتۋراسى «سەرگەك» جوباسىن ىسكە اسىرۋ كەزىندە مەملەكەتتىك-جەكەشەلىك ارىپتەستىك تۋرالى زاڭنامانىڭ ساقتالۋىنا تەكسەرۋ جۇرگىزدى. تەكسەرۋ ناتيجەسىندە مەملەكەتتىك بيۋدجەتتەن «كوركەم-تەلەكوم» جشس-مەن 7 ملرد تەڭگەدەن استام سوماعا كەلىسىمشارت جاسالعانىن انىقتاعان.
«تەكسەرۋ بارىسىندا مەملەكەتتىك قاراجاتتى زاڭسىز تولەۋ فاكتىلەرى انىقتالدى. جوبانىڭ قۇنى 238 ملن تەڭگەگە ەش نەگىزسىز وسكەن. پروكۋراتۋرا ەنگىزگەن قاداعالاۋ اكتىسىنەن كەيىن شىعىس قازاقستان وبلىستىق جولاۋشىلار كولىگى جانە اۆتوموبيل جولدارى باسقارماسى نەگىزسىز تولەنگەن شىعىنداردى ءوندىرۋ تۋرالى تالاپ-ارىز بەردى»، - دەپ حابارلادى وبلىس پروكۋراتۋراسىنىڭ ءباسپاسوز قىزمەتىنەن.
سوت شەشىمىنە سايكەس، كامەرانى ىسكە قوسقان «كوركەم-تەلەكوم» جشس مەملەكەتتىك بيۋدجەتكە 238 ملن تەڭگەنى قايتاردى.
