موڭعوليانىڭ پرەمەر-ءمينيسترى لۋۆساننامسراي كەشە "Tesla" جانە "SpaceX" كومپانياسىنىڭ اتقارۋشى ديرەكتورى يلون ماسكپەن ونلاين-كەزدەسۋ وتكىزىپ، وندا ىنتىماقتاستىق ماسەلەلەرىن تالقىلادى. يلون ماسك ءوز كەزەگىندە موڭعوليانىڭ بايلىعىنا قىزىعاتىنىن جاسىرمادى، دەپ حابارلايدى "ادىرنا" ۇلتتىق پورتالى.
ونلاين-كەزدەسۋ بارىسىندا موڭعول مەملەكەتىنىڭ باسشىسى ەلەكتروموبيلدەردى پايدالانۋدى قولدايتىنىن ايتتى. سونىمەن قاتار الەم بويىنشا جاسىل تەحنولوگيا قولدانىسىنىڭ ارتۋىنا قولداۋ كورسەتەتىنىن مالىمدەدى. ول بۇدان ءارى "Tesla" فيليالى موڭعوليادا قۇرىلسا، ەلەكتروموبيلدەردى پايدالانۋعا دايار ەكەندىكتەرىن جەتكىزدى.
ء"بىز موڭعولياداعى" تەسلانى" جانە ونەركاسىپتىك باعىتتاعى ەلەكتروموبيلدەر مەن تاۋ-كەن باتارەيالارىن ءوندىرۋ ءۇشىن مىس پەن سيرەك جەر ەلەمەنتتەرىن الەۋەتتى پايدالانۋدى قۇپ كورەمىز", -دەپ جازدى ويۋن-ەردەن تۆيتتەردە.
ءوز كەزەگىندە يلون ماسك موڭعوليا پرەمەر-مينيسترىمەن العاش رەت ونلاين رەجيمىندە كەزدەسكەنىنە ريزاشىلىعىن ءبىلدىرىپ، موڭعوليانىڭ باي تاريحىنا وتە قىزىعۋشىلىق تانىتاتىنىن مالىمدەدى. ول ەكەۋىنە دە ىڭعايلى ۋاقىتتا موڭعولياعا باراتىنىن اتاپ ءوتتى.
كەزدەسۋ سوڭىندا موڭعوليا ۇكىمەتىنىڭ باسشىسى يلون ماسكتى 2023 جىلدىڭ شىلدەسىندە وتەتىن موڭعوليا ەكونوميكالىق فورۋمىنا قاتىسۋعا شاقىردى.
مۇنداي بەتبۇرىستارعا قاتىستى الەۋمەتتىك جەلى قولدانۋشىسى سايران كادەر:
- ۋلاانباتاردا تولاسسىز جاۋعان جاڭبىردىڭ سالدارىنان سەل ءجۇرىپ، ادامدار ابىگەر. ءدال وسىعان قاباتتاسا موڭگوليانىڭ بولاشاعى ءۇشىن اسا ماڭىزدى ەكى جاڭالىق بولدى:
1. موڭعول پارلامەنتى اعىلشىن ءتىلىن ورتا مەكتەپتە نەگىزگى شەت ءتىلى رەتىندە ۇيرەتۋ تۋرالى زاڭ قابىلدادى. ورىس ءتىلى ەمەس، قىتاي ءتىلى ەمەس اعىلشىن ءتىلى!
2. موڭعول ەلىندە يلون ماسكتىڭ ستارلينك كومپانياسى ينتەرنەت سەرۆيسىن اشتى، ەندى بۇل ەلدە ەشكىم ينتەرنەتتى بۇعاتتاي المايدى، الەۋمەتتىك جەلىنىڭ بوستاندىعى 100%، - دەپ جازدى.
"ادىرنا" ۇلتتىق پورتالى
