قازاقستاندا اۋماعىندا Starlink-ءتى جەكە ماقساتتا پايدالانۋ زاڭسىز. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تەلەكوممۋنيكاتسيالار كوميتەتىنىڭ بايلانىس سالاسىنداعى باقىلاۋ باسقارماسىنىڭ باسشىسى دياس تولەگەنوۆ مالىمدەدى، دەپ حابارلايدى «ادىرنا» ۇلتتىق پورتالى.
مينيسترلىكتە وتكەن بريفينگتە جۋرناليستەر قازاقستاندىقتاردىڭ Starlink ينتەرنەتىن پايدالانۋ ماسەلەسىن كوتەردى. ناتيجەسىندە، بۇل زاڭسىز ەكەنى انىقتالدى.
«بۇل ماسەلە بويىنشا، مەن مۇنداي ادامداردى كەزدەستىرىپ ءجۇرمىن (ۇيلەرىندە Starlink ورناتقان، شامامەن). وسىعان بايلانىستى ءتيىستى ورگاندار انىقتاۋ جانە ءتۇسىندىرۋ جۇمىستارىن جۇرگىزەدى. سەبەبى ونى قازىرگى ۋاقىتتا اعىمداعى نۇسقادا پايدالانۋ – قولدانىستاعى زاڭنامانى بۇزادى، ويتكەنى ول قاۋىپسىزدىك تالاپتارىنا سايكەس كەلمەيدى»، - دەدى دياس تولەگەنوۆ.
ول پيلوتتىق جوبا شەڭبەرىندە تەحنيكالىق جۇمىستار اياقتالعانعا دەيىن جانە زاڭناماعا ءتيىستى وزگەرىستەر ەنگىزىلگەنگە دەيىن «بۇل زاڭسىز بولادى» دەپ اتاپ كورسەتتى.
وسىلايشا، Starlink-تەن ينتەرنەتتى پايدالانعانى جانە تاراتقانى ءۇشىن قازاقستاندىقتارعا ايىپپۇل سالىنۋى مۇمكىن.
«ەگەر ول ساتىپ السا دا، وزگەرىستەر ەنگىزىلگەننەن كەيىن ونى قولدانا الادى. جەكە تۇلعالار ءۇشىن وزگەرىستەر ەنگىزىلگەنگە دەيىن ءبىرىنشى رەت - ەسكەرتۋ، ال كەيىن - 10 اەك ايىپپۇل (2023 جىلى 34 500 تەڭگە-شامامەن.)»، - دەدى تولەگەنوۆ.
بۇنداي زاڭبۇزۋشىلىق فاكتىلەرىندە قازاقستاندىقتاردى قالاي تەكسەرىپ، انىقتايتىنى جايىندا سپيكەر ناقتىلامادى.
ەستەرىڭىزگە سالا كەتەيىك، قازاقستان اۋىلداردى ينتەرنەتپەن قامتاماسىز ەتۋ ءۇشىن يلون ماسكتىڭ SpaceX عارىش كومپانياسىنا جۇگىنۋگە ءماجبۇر بولدى. قۇنى ءبىر ورىنعا ايىنا $200 قۇرايدى.
«ادىرنا» ۇلتتىق پورتالى
