Mońǵolııanyń premer-mınıstri Lývsannamsraı keshe "Tesla" jáne "SpaceX" kompanııasynyń atqarýshy dırektory Ilon Maskpen onlaın-kezdesý ótkizip, onda yntymaqtastyq máselelerin talqylady. Ilon Mask óz kezeginde Mońǵolııanyń baılyǵyna qyzyǵatynyn jasyrmady, dep habarlaıdy "Adyrna" ulttyq portaly.
Onlaın-kezdesý barysynda mońǵol memleketiniń basshysy elektromobılderdi paıdalanýdy qoldaıtynyn aıtty. Sonymen qatar álem boıynsha jasyl tehnologııa qoldanysynyń artýyna qoldaý kórsetetinin málimdedi. Ol budan ári "Tesla" fılıaly Mońǵolııada qurylsa, elektromobılderdi paıdalanýǵa daıar ekendikterin jetkizdi.
"Biz Mońǵolııadaǵy" Teslany" jáne ónerkásiptik baǵyttaǵy elektromobılder men taý-ken batareıalaryn óndirý úshin mys pen sırek jer elementterin áleýetti paıdalanýdy qup kóremiz", -dep jazdy Oıýýn-Erden Tvıtterde.
Óz kezeginde Ilon Mask Mońǵolııa Premer-Mınıstrimen alǵash ret onlaın rejıminde kezdeskenine rızashylyǵyn bildirip, Mońǵolııanyń baı tarıhyna óte qyzyǵýshylyq tanytatynyn málimdedi. Ol ekeýine de yńǵaıly ýaqytta Mońǵolııaǵa baratynyn atap ótti.
Kezdesý sońynda Mońǵolııa úkimetiniń basshysy Ilon Maskty 2023 jyldyń shildesinde ótetin Mońǵolııa ekonomıkalyq forýmyna qatysýǵa shaqyrdy.
Mundaı betburystarǵa qatysty áleýmettik jeli qoldanýshysy Saıran Kader:
- Ýlaanbatarda tolassyz jaýǵan jańbyrdyń saldarynan sel júrip, adamdar ábiger. Dál osyǵan qabattasa Mońgolııanyń bolashaǵy úshin asa mańyzdy eki jańalyq boldy:
1. Mońǵol parlamenti aǵylshyn tilin orta mektepte negizgi shet tili retinde úıretý týraly zań qabyldady. Orys tili emes, qytaı tili emes aǵylshyn tili!
2. Mońǵol elinde Ilon Masktyń starlınk kompanııasy ınternet servısin ashty, endi bul elde eshkim ınternetti buǵattaı almaıdy, áleýmettik jeliniń bostandyǵy 100%, - dep jazdy.
"Adyrna" ulttyq portaly
