امەريكادا يلون ماسكتىڭ ميعا ارنالعان چيپتەردى وندىرەتىن Neuralink كومپانياسىن تەرگەۋ باستالدى. مەملەكەتتىك دەڭگەيدە تەرگەۋ جۇرگىزەتىن قۇرىلىمعا كومپانيا قىزمەتكەرلەرىنىڭ جانۋارلاردى ازاپتاپ، اسا اۋىر سىناق جۇرگىزىپ جۇرگەندەرى حاققىندا حابارلاما كەلىپ تۇسكەن. مۇنى "ادىرنا" ۇلتتىق پورتالى مۇنى Reuters اگەنتتىگىنە سىلتەمە كورسەتە وتىرىپ حابارلايدى.
قازىر تەرگەۋ ىستەرىن اقش-تىڭ اۋىل شارۋاشىلىق مينيسترلىگىنىڭ وكىلى، باس ينستپەكتور، جۇرگىزىپ جاتىر.
تەرگەۋشىلەر Neuralink-تىڭ ونداعان قۇجاتىن شولىپ شىعىپ، كومپانيادا بۇرىن قىزمەت ىستەگەن 20 ماماندى سۇراق استىنا العان. اقىرىندا، جانۋارلاردى بەيمازا كۇيگە تۇسىرگەن مۇنداي زەرتتەۋ جۇمىسىنا قىزمەتكەرلەردىڭ كوڭىلى تولمايدىعى باعامدالدى.
مۇنىمەن قوسا، يلون ماسكتىڭ جىلدام ناتيجەگە قول جەتكىزۋ جولىندا كومپانيا ماماندارىن ۇدايى جان القىمنان الاتىنى دا ءمالىم بولدى. اگەنتتىكتىڭ مالىمەتىنشە، باسشىنىڭ مۇنداي "كۇيگەلەكتىگىنىڭ" سوڭى ءساتسىز سىنامالار مەن سەبەپسىز جان-جانۋارلاردىڭ ولىمىنە الىپ كەلگەن.
2018 جىلدان بەرى Neuralink جۇرگىزىلگەن زەرتتەۋلەردىڭ كەسىرىنەن ءبىر جارىم مىڭ جانۋار اجال قۇشقان. دەگەنمەن، تەرگەۋشىلەر بۇل ءىستىڭ اياعىنا بارعانشا دەرەكتەردىڭ ۇستەمەلەپ ارتاتىنىنا سەنىمدى.
ازىرگە تەرگەۋگە قارسى كومپانيا باسشىلىعىنان، يلون ماسكتىڭ وزىنەن قانداي دا ءبىر رەسمي جاۋاپ جوق.
"ادىرنا" ۇلتتىق پورتالى
