ليندا ياككارينو Twitter-ءدىڭ جاڭا باس ديرەكتورى بولىپ تاعايىندالدى. بۇل تۋرالى يلون ماسك Twitter-دەگى جەكە پاراقشاسىندا جازدى، “ادىرنا” ۇلتتىق پورتالى.
«Twitter-ءدىڭ جاڭا باس ديرەكتورى رەتىندە ليندا ياككارينونى كورگەنىمە قۋانىشتىمىن!»، - دەپ جازدى ول.
ايتۋىنشا، كومپانيانىڭ جاڭا باسشىسى بيزنەس-وپەراتسيالارمەن اينالىساتىن بولادى. ال ءوزى ءونىمنىڭ ديزاينى مەن جاڭا تەحنولوگيالارعا دەن قويادى.
ليندا ياككارينو 60 جاستا.
ايتا كەتەيىك، الەمنىڭ ەڭ باي ادامدارىنىڭ ءبىرى ي.ماسك Twitter-ءدى وتكەن جىلدىڭ قازان ايىندا 44 ملرد دوللارعا ساتىپ العان بولاتىن. ول بىردەن كومپانيانىڭ ديرەكتورلار كەڭەسىن تاراتتى.
ءبىر جولى يلون ماسك Twitter الەۋمەتتىك جەلىسىنىڭ باس ديرەكتورى ەتىپ، ءوز ءيتىن «تاعايىنداعان» بولاتىن.
