قارجىلىق مونيتورينگ اگەنتتىگى دەنە شىنىقتىرۋ جانە سپورت سالاسىن دامىتۋعا بولىنگەن مەملەكەت قارجىسىنىڭ ۇرلانۋىنىڭ الدىن الۋ بويىنشا جۇمىس جۇرگىزىپ جاتىر، دەپ حابارلايدى “ادىرنا” ۇلتتىق پورتالى.
سپورتتىق-ساۋىقتىرۋ ءىس-شارالارىنىڭ، نىسانداردىڭ، قۇراما كوماندالاردىڭ، بۇقارالىق سپورتتىق ءىس-شارالاردىڭ، فەدەراتسيالاردىڭ رەيتينگى مەن قاۋىپتەرى كورسەتىلگەن تىزبەسى قالىپتاستىرىلدى. سونداي-اق سالانى قارجىلاندىرۋدىڭ جولدارى مەن كولەمى، ونىڭ ىشىندە دەمەۋشىلىك كومەك كولەمىن انىقتاۋ باعىتىندا جۇمىستار جۇرگىزىلىپ جاتىر.
اگەنتتىكتىڭ مالىمەتىنشە، جىل باسىنان بەرى جالپى سوماسى 269,3 ملن تەڭگە زالالى بار 21 ءىس تەرگەلىپ جاتىر. اشىق اقپارات كوزدەرىنەن الىنعان مالىمەتتەرگە سايكەس، 2019-2023 جىلدار ارالىعىندا سپورتتى دامىتۋعا شامامەن 300 ملرد تەڭگە بولىنگەن.
اگەنتتىك تاۋارلار مەن قىزمەتتەردى جوعارىلاتىلعان باعامەن ساتىپ الۋ، قىزمەت كورسەتۋدىڭ ناقتى ورىندالماۋى جانە باسقا دا بۇزۋشىلىقتار بويىنشا تالداۋ جۇرگىزەدى. جۇرگىزىلگەن جۇمىستاردىڭ ناتيجەسىندە سپورتتى دامىتۋعا بولىنگەن بيۋدجەت قاراجاتىنىڭ ۇرلانۋىنا جاعداي تۋعىزاتىن سەبەپتەردى انىقتاۋ جانە مۇنداي زاڭ بۇزۋشىلىقتاردىڭ الدىن الاتىن تەتىكتەردى جەتىلدىرۋ بويىنشا ۇسىنىستار ازىرلەۋ جوسپارلانعان.
