باتىس قازاقستان وبلىسىندا ەكى كىتاپحانا ەسەپشىسى سوتقا تارتىلدى. ولار اسا ءىرى كولەمدە بيۋدجەت قاراجاتىن جىمقىردى دەگەن كۇدىككە ءىلىندى. بۇل تۋرالى «موي گورود» پورتالى جازدى، دەپ حابارلايدى “ادىرنا”.
مالىمەت بويىنشا، مەملەكەتتىك مەكەمەنىڭ باس ەسەپشىسى مەن ەسەپشىسى قىلمىستىق كەلىسىم جاساپ، 2023-2025 جىلدار ارالىعىندا ء«ولى جاندارعا» جالاقى تولەگەن. سودان كەيىن ولار اقشانى وزدەرىنىڭ شوتىنا اۋدارعان. ولاردىڭ قىلمىستىق ارەكەتىنەن مەملەكەتكە 45,9 ملن تەڭگە زالال كەلگەن.
«تەرەكتى اۋدانىنىڭ ورتالىقتاندىرىلعان كىتاپحانا جۇيەسى» مەملەكەتتىك مەكەمەسى قىزمەتكەرلەرىنە قاتىستى تەرگەۋ اياقتالدى. دەپارتامەنت قىزمەتكەرلەرىنىڭ قابىلداعان شارالارىنىڭ قورىتىندىسى بويىنشا كىنالىلەر انىقتالىپ، مەملەكەتكە كەلتىرىلگەن شىعىن تولىق كولەمدە ءوندىرىلدى»، - دەپ اتاپ ءوتتى ەكونوميكالىق تەرگەۋ دەپارتامەنتى.
قازىرگى ۋاقىتتا سوتقا دەيىنگى تەرگەۋ اياقتالىپ، ءىس سوتقا جىبەرىلدى.
