Qarjylyq monitoring agenttıgı dene şynyqtyru jäne sport salasyn damytuǧa bölıngen memleket qarjysynyŋ ūrlanuynyŋ aldyn alu boiynşa jūmys jürgızıp jatyr, dep habarlaidy “Adyrna” ūlttyq portaly.
Sporttyq-sauyqtyru ıs-şaralarynyŋ, nysandardyŋ, qūrama komandalardyŋ, būqaralyq sporttyq ıs-şaralardyŋ, federasiialardyŋ reitingı men qauıpterı körsetılgen tızbesı qalyptastyryldy. Sondai-aq salany qarjylandyrudyŋ joldary men kölemı, onyŋ ışınde demeuşılık kömek kölemın anyqtau baǧytynda jūmystar jürgızılıp jatyr.
Agenttıktıŋ mälımetınşe, jyl basynan berı jalpy somasy 269,3 mln teŋge zalaly bar 21 ıs tergelıp jatyr. Aşyq aqparat közderınen alynǧan mälımetterge säikes, 2019-2023 jyldar aralyǧynda sportty damytuǧa şamamen 300 mlrd teŋge bölıngen.
Agenttık tauarlar men qyzmetterdı joǧarylatylǧan baǧamen satyp alu, qyzmet körsetudıŋ naqty oryndalmauy jäne basqa da būzuşylyqtar boiynşa taldau jürgızedı. Jürgızılgen jūmystardyŋ nätijesınde sportty damytuǧa bölıngen biudjet qarajatynyŋ ūrlanuyna jaǧdai tuǧyzatyn sebepterdı anyqtau jäne mūndai zaŋ būzuşylyqtardyŋ aldyn alatyn tetıkterdı jetıldıru boiynşa ūsynystar äzırleu josparlanǧan.
Ūqsas jaŋalyqtar
