كەنتاۋدا التى كافە جۇمىسشىسىنان ستافيلوكوكك تابىلدى. بۇل تۋرالى تۇركىستان وبلىسى بويىنشا سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى نۇربەك نىشانوۆ كەنتاۋداعى دامحاناداعى جاپپاي ۋلانۋعا قاتىستى تەرگەۋدىڭ العاشقى قورىتىندىسىن جاريالادى، دەپ حابارلايدى “ادىرنا” ۇلتتىق پورتالى.
تەرگەۋدىڭ العاشقى ناتيجەسى «ريزيك راۋانا» ءدامحاناسىندا ۇسىنىلاتىن قۋىرىلعان تاۋىق ەتىندە سالمونەللەز قوزدىرعىشى بار ەكەنىن كورسەتتى، دەپ جازادى «وتىرار».
فاست-فۋد كافەلەرى قىزمەتكەرلەرىنىڭ دەنەسىنەن دە ومىرگە قاۋىپ توندىرەتىن باكتەريالار تابىلعان. التى قىزمەتكەردە التىن ستافيلوكوكك اۋرۋى انىقتالدى، ولاردىڭ بارلىعى ۋلانعان ادامدارعا قىزمەت كورسەتتى.
قازىر ولاردى دارىگەرلەر باقىلاپ جاتىر. تەرگەۋ جالعاسۋدا.
زەرتحانالىق زەرتتەۋگە الىنعان 37 ازىق-تۇلىك سىناماسىنىڭ 16-سىندا وڭ ناتيجە انىقتالدى. اۋرۋ وشاعىندا الىنعان ونىمدەردىڭ ىشىندە ميكروبيولوگيالىق سىنامالار بويىنشا تاۋىق ونىمدەرىنەن سالمونەللەز انىقتالدى. سونىمەن قاتار، وسى تاماق ورنىندا قىزمەت كورسەتەتىن 6 قىزمەتكەردىڭ ىشىندە اسپاز، اسپازدىڭ كومەكشىسى، داياشى، تەحنيك. قىزمەتكەرلەرى، كاسسير، جەتكىزۋ قىزمەتىنىڭ قىزمەتكەرى، التىن ءتۇستى ستافيلوكوكك انىقتالدى، ەكى قىزمەتكەردەن سالمونەللا قوزدىرعىشتارى تابىلدى، اتاپ ايتقاندا، سالات دايىندايتىن قىزمەتكەر مەن اسحانا قىزمەتكەرى، - دەدى نىشانوۆ.
ناۋقاستاردىڭ كوپشىلىگى كامەلەتكە تولماعاندار. شۇعىل اۋرۋحاناعا جاتقىزۋدى قاجەت ەتكەندەردىڭ اراسىندا ءۇش جۇكتى ايەل بار. زارداپ شەككەندەردىڭ كوپشىلىگى قازىردىڭ وزىندە ۇيلەرىنە شىعارىلدى. دەگەنمەن، ولار ءالى دە دارىگەرلەردىڭ باقىلاۋىندا.
ەسكە سالايىق، بۇعان دەيىن كەنتاۋدا جىلدام دايىندالاتىن استان ۋلانعانداردىڭ سانى 100-گە جەتكەنىن حابارلاعان ەدىك.
