دۇيسەنبىگە قاراعان ءتۇنى اۋعانستاندا ماگنيتۋداسى 6,3 بولاتىن جەر سىلكىنىسى بولدى. بۇل تۋرالى Al Jazeera جازدى، دەپ حابارلايدى «ادىرنا» ءتىلشىسى.
جەر سىلكىنىسى شامامەن 523 مىڭ تۇرعىنى بار مازاري-شاريف قالاسىنىڭ ماڭىندا بولعان. توتەنشە جاعداي سالدارىنان 8 ادام قازا تاپقان.
«8 ادام قازا تاۋىپ، 200 ادام جارالاندى»، – دەلىنگەن حابارلامادا.
سامانگان پروۆينتسياسىنىڭ دەنساۋلىق ساقتاۋ دەپارتامەنتىنىڭ وكىلى ساميم دجوياندا قازا تاپقاندار سانىنىڭ ءالى دە وسە ءتۇسۋى مۇمكىن ەكەنىن جەتكىزدى.
ايتا كەتەيىك، جەراستى دۇمپۋلەرى تۇركىستان وبلىسىندا دا سەزىلگەن. ەسەپتىك مالىمەتتەرگە سايكەس، جەراستى تولقىندارىنىڭ كۇشى 2 بالدى قۇراعان.
ء«زىلزالانىڭ ەپيتسەنترى الماتى قالاسىنان وڭتۇستىك-باتىسقا قاراي شامامەن 1079 شاقىرىم جەردە، اۋعانستان اۋماعىندا ورنالاسقان. جەر سىلكىنىسىنىڭ ماگنيتۋداسى MPV 6.2, تەرەڭدىگى 120 كم بولدى»،—دەدى تجم ءباسپاسوز قىزمەتى.
