سولتۇستىك قازاقستان وبلىسى بويىنشا باسەكەلەستىكتى قورعاۋ جانە دامىتۋ اگەنتتىگى (بقدا) رەسپۋبليكا اۋماعىندا جۇمىس ىستەيتىن رەسەي تەمىر جولدارى (رجد) اشىق اكتسيونەرلىك قوعامىنىڭ فيليالىنا قاتىستى تەرگەپ-تەكسەرۋدى باستادى. بۇل تۋرالى اگەنتتىكتىڭ ءباسپاسوز قىزمەتى مالىمدەدى، دەپ حابارلايدى “ادىرنا”.
تەكسەرۋگە سەبەپ – «Agrimer Mamlutka» جشس-ءنىڭ ءوتىنىشى. قازاقستاندىق كومپانيا پەتروپاۆل بولىمشەسى — وڭتۇستىك ورال تەمىر جولىنىڭ (رجد فيليالى) مەترولوگيالىق قامتاماسىز ەتۋ قىزمەتىنىڭ باعاسىن كۇرت كوتەرگەنىن مالىمدەدى. اعىمداعى جىلدىڭ قاڭتارىنان باستاپ اتالعان قىزمەتتىڭ قۇنى قوسىلعان قۇن سالىعىن (ققس) ەسەپكە العاندا 845 261,76 تەڭگەگە ($1,5 مىڭ) دەيىن، ياعني 9,5%-عا وسكەن. بۇل رەتتە قازاقستاننىڭ باسقا وڭىرلەرىندە ءدال وسىنداي قىزمەتتىڭ باعاسى شامامەن 391 000 تەڭگە ($727) كولەمىندە.
اگەنتتىك جۇرگىزگەن تالداۋ ناتيجەسىندە مونوپوليالىق جوعارى باعا بەلگىلەۋ بەلگىلەرى انىقتالدى. بۇل – قازاقستان رەسپۋبليكاسى كاسىپكەرلىك كودەكسىنىڭ 174-بابى 1-تارماعىنا سايكەس، باسەكەلەستىككە قارسى ارەكەت بولىپ تابىلادى.
جالپى، اگەنتتىكتىڭ تەرگەپ-تەكسەرۋ مەرزىمى ءۇش ايدان بەس ايعا دەيىن سوزىلادى.
پەتروپاۆلداعى وڭتۇستىك ورال تەمىر جولى بولىمشەسى – قازاقستاننىڭ سولتۇستىگىندە ورنالاسقان وسى اتتاس قالادا ورنالاسقان. بۇل بولىمشە جولاۋشىلار جانە جۇك تاسىمالىمەن اينالىسادى. سونىمەن قاتار، تەمىر جولداردى كۇتىپ-ۇستاۋ قىزمەتىن اتقارادى. بۇل – قازاقستان اۋماعىنداعى رەسەيدىڭ «رجد» ااق-نىڭ جالعىز فيليالى.
