Chat-rulette qazaqtar turaly balaǧat sözder aitqan qaraǧandylyq äielge qatysty qylmystyq ıs qozǧaldy, dep habarlaidy "Adyrna" portaly.
«Beinejazbany polisiia zerttedı. Osy faktı boiynşa aǧymdaǧy jyldyŋ 24 mausymynda 45 jastaǧy qala tūrǧyny anyqtaldy, oǧan qatysty QR QK 174-baby (äleumettık, ūlttyq, rulyq, näsıldık, taptyq nemese dıni arazdyqty qozdyru) boiynşa qylmystyq ıs qozǧaldy. Tergeu şaralary jürgızılude», - dedı Qaraǧandy oblysy polisiia departamentınıŋ baspasöz qyzmetı.
Būǧan deiın chat-rulettegı qaraǧandylyq äiel belgısız adammen äŋgıme barysynda, qazaq halqy turaly beiädep söz söilep, türlı boqauyz sözder aitqan bolatyn. Äŋgıme Ukrainadaǧy soǧys jäne Ukraina Qyrymynyŋ ülgısımen Qazaqstannyŋ Reseige qandai da bır qosyluy turaly «referendum» ötkızu mümkındıgı turaly boldy.
"Adyrna" ūlttyq portaly
Ūqsas jaŋalyqtar
